بطور پروفیسر ایک فنکار کا ٹوٹا خواب

پی سیندرائے پیرومَل کو اسکول چھوڑنے پر مجبور کیا گیا، تاکہ وہ ذات پر مبنی تھیٹر کی صنف ’’راجا رانی اٹّم‘‘ میں اپنا کردار ادا کر سکیں۔ وہ اور ان کے بھائی نے اپنے بچپن کے دن عورتوں کے کردار ادا کرتے ہوئے گزارے – جہاں انہیں طعنوں، جنسی ہراسانی، اور روایت کے بوجھ کو سہنا پڑا۔ انہوں نے ۲۳ سال کی عمر میں، اکیلے ہی تعلیم حاصل کرنے کا بیڑا اٹھایا، جب کہ گزر بسر کے لیے راتوں کو رقص کرنے کا سلسلہ جاری رکھا۔ آخرکار، وہ تعلیم حاصل کرنے میں کامیاب رہے – وہی تعلیم جو ان سے نظامی طور پر چھین لی گئی تھی۔ انہوں نے اسی لوک روایت پر پی ایچ ڈی کی، جس کو وہ برسوں سے نبھاتے آ رہے تھے، اور جس کا وعدہ ملک میں اعلیٰ تعلیم کے نام پر کیا جاتا ہے۔ مگر ان کے معاملہ میں یہ وعدہ زیادہ دنوں تک وفا نہ ہو سکا۔

فلم ساز پی سائی ناتھ اور پرتِشٹھا پانڈیہ کی شکر گزار ہیں، جن کے تعاون سے یہ دستاویزی فلم مکمل ہو سکی۔

ترجمہ نگار: قمر صدیقی