प्रोफेसर के रूप मं एक कलाकार के चित्र

पी. सेनरायपेरुमल ला जात ले जुड़े परंपरा राजा रानी अट्टम नाचा मं अपन किरदार निभाय बर स्कूल छोड़े ला मजबूर होय ला परिस. वो अऊ ओकर भाई मन अपन बचपना, परी (रानी धन माइलोगन) के रोल करत गुजारिन- अपमान, यौन अतियाचार सहत अऊ परंपरा के बोझा ला ढोवत.

23 बछर के उमर मं, वो ह अकेल्ला पढ़ई-लिखई करे के जोखम मोल लीस, इहाँ तक के गुजारा बर वोला सरी रतिहा नाचे ला परिस. वो ह वो शिक्षा हासिल करिस जऊन ला बेवस्था ह वोला दूरिहा राख दे रहिस. वो ह तऊन लोक परंपरा उपर पीएच-डी हासिल करिस जेन ला वो ह खुदेच करत रहिस, अऊ उच्च शिक्षा के प्रन ला पूरा करिस. फेर ओकर ये प्रन ह थोकन बखत तक ले रहे सकिस.

ये रिपोर्टर ये डाक्यूमेंट्री फिलिम बनाय मं मदद सेती पी. साईनाथ अऊ प्रतिष्ठा पांड्या के आभार जतावत हवय.

अनुवाद: निर्मल कुमार साहू