পি সেনৰাইপেৰুমলে স্কুলীয়া শিক্ষা আধাতে এৰি দলিত সম্প্ৰদায়ৰ মাজত প্ৰচলিত ৰাজা ৰাণী আট্টম থিয়েটাৰত ভাগ লবলৈ বাধ্য হৈ পৰিছিল। তেওঁৰ লগতে তেওঁৰ ভাতৃয়ে তেওঁলোকৰ শৈশৱৰ কালছোৱা নাৰীৰ চৰিত্ৰ ৰূপায়ণ কৰিছিল। পৰম্পৰাৰ বোজা তেওঁলোকৰ কণমানি কান্ধত তুলি দিয়া হৈছিল। তাতে আকৌ সন্মুখীন হৈছিল মানুহৰ তিঁতা-কেঁহা কথাৰ, যৌন হাৰাশাস্তিৰ।
কিন্তু ২৩ বছৰ বয়সত তেওঁ নিজৰ অধ্যৱসায়ৰ গুণত পুনৰাই বিদ্যায়তনিক শিক্ষা হাচিল কৰাৰ কৰাৰ বাটত আগবাঢ়িল। লাগিলে ৰাতি নাচিব, দিনত পঢ়িব, পৰীক্ষাত বহিব – তেওঁ মুঠৰ ওপৰত পঢ়িবই। আনুষ্ঠানিকভাৱে নোৱাৰা শিক্ষা তেওঁ দূৰ-শিক্ষণৰ যোগেদি সম্পূৰ্ণ কৰিলে। আৰু এখোপ আগবাঢ়ি গৈ তেওঁ যি লোককলা প্ৰদৰ্শনৰ পৰম্পৰাৰ সৈতে জৰিত আছিল, তাৰ ওপৰতেই গৱেষণা কৰি ডক্টৰেট উপাধি লাভ কৰিলে। কিন্তু তেওঁৰ সেই সফলতা বেছিদিন নিটিকিল।