उम्मीद लेले घरे लवटत आदिवासी किसान

नामदेव भांगरे 25 जनवरी के दुविधा आ गुस्सा संगे आपन विरोध मार्च शुरू कईंने. तीन दिन के बाद, ऊ नासिक अउर अहिल्यानगर (पहिले अहमदानगर) के लाखन किसानन साथे उम्मीद लेले घरे अईने.

अहिल्यानगर जिला के खड़कीबुद्रुक गांव के महादेव कोली आदिवासी समुदाय से आवे वाला भांगरे के परिवार पीढ़ी से अकोले तालुका में छह एकड़ के जंगल पर खेती करत आ रहल बा. बाकिर, महाराष्ट्र के लाखन आदिवासियन के तरे, ऊ कभी ओ जमीन के मालिक ना भइने जे पर ऊ खेती करत बाने.

"हमरी आजा के समय से, चाउर अऊरी रागी के फसल काटत आ रहल बानी के," ऊ कहने. "बाकिर हमरा कभी सुरक्षा के भरोसा ना जननी के. हमनी के कवनो बेरा उजारल जा सकेला."

2006 में, भारत सरकार एगो ऐतिहासिक कानून वन अधिकार अधिनियम (FRA) पास कइलस, जे ऊ तीव्र असुरक्षा के कम करे खातिर बनल. साल भर ठेकचला के बाद, ई कानून बनल. ई कानून अनुसूचित जनजाति अउर दूसर परंपरागत वनवासी के जे पीढ़ी दर पीढ़ी ओ क्षेत्र में रहत आ रहल बा, ओकरा वन जमीन आ संसाधन अधिकार देला. उप-विभागीय अउर जिला समिति से सत्यापित कइला के बाद,ग्राम सभा ई दावा करेला अउर घुमंतू लोगन के अधिकार तय होखे ले बेदखल भईला से बचाव करत बा.

बाकिर, जमीनी स्तर पर ए कानून के लागू कईला में अब्बो संदेह बा.

भांगरे एफआरए पास होखला पर ही आपन छह एकड़ खेती वाला जमीन के खातिर दावा दाखिल कइने. "हमार फाइल ग्रामसभा से योग्य पास भईल, ओकरी बाद एके तहसील भेज दिहल गईल," ऊ कहने. "सुनवाई भइल, कारवाही भी भईल. आखिर में चार साल बाद दावा ठुकराव दिहल गईल."

आ एही तरे असुरक्षा बनल रहल. हाले में, भांगरे के गांव के नजदीक एगो गांव में वन विभाग के साहब आके एगो परिवार के उजाड़ दिहने जवन ऊ जानत रहने कि ओहिजा पीढ़ी दर पीढ़ी से ऊ परिवार खेती कर रहल बा. "हमरे साथे भी कब्बो अईसन हो सकत बा," ऊ कहेने.

महाराष्ट्र के आदिवासी किसान, आल इंडिया किसान सभा के नेतृत्व में, पछिला दस बरिस में दसनो रैली कइले बाने आपन हक के लेवे खातिर. ओकरा में सबसे मशहूर बा मार्च 2018 के मुंबई लॉन्ग मार्च, जब लाखों लोग नासिक से भारत के आर्थिक राजधानी के आजाद मैदान तक 180 किलोमीटर पैदल चली के गइने.

राज्य के मुख्यमंत्री, तब्बो भी, देवेंद्र फडणवीस रहने, जे किसानन के प्रतिनिधि लोगन के साथे बईठ के वादा कईंने कि वन अधिकार अधिनियम के नीक से पालन होई, ढेर रोजगार मिली, अउर फसल के नीक दाम मिली.

आठ बरिस बाद, हजारन किसान के उहे जत्था 25 जनवरी के फेर एगो रैली निकलने अउर मुंबई में उहे मांग लेके पैदल घुसला के विचार कईने.

"हमनी के वादा से परेशान हो गईल बानी के," अशोक धावले, एआईकेएस के किसान नेता कहने. "ए बेरा, कुछ ठोस चाही हमनी के."

ई विरोध यात्रा ओसे एगो हफ्ता पहिले के एगो मार्च के सहारा लेके आइल, जब एआइकेएस, कम्युनिस्ट पार्टी ऑफ इंडिया (मार्क्सवादी) से जुड़ल, 50,000 किसान के पालघर जिला के कलेक्ट्रेट ले गइल. प्रशासन के ओ लोगन के कुछ मांग पूरा करे के पडल, बाकिर कलेक्टर के पास आदिवासी किसान के बड़ा समस्या पर कुछ करे के अधिकार ना रहे. जे मुंबई खातिर दूसर मार्च के प्रेरित कइलस.

बाकिर, किसान यात्रा के दूसरे दिने, विधायक गिरीश महाजन किसान नेता से संपर्क कईनी अउर यात्रा छोट करे के अनुरोध कईनी. अगला दिने, प्रतिनिधि टीम महाराष्ट्र कैबिनेट से भेंट कइलस, जवन में मुख्यमंत्री देवेंद्र फडणवीस शामिल भइनी, अउर गहराई से बातचीत भइल. 28 जनवरी के, यात्रा बंद क दिहल गइल. किसान पैदल करीब 80 किमी जा भी चुकल रहने अउर नासिक-मुंबई के बीच आधा रास्ता खराड़ी पहुंच गइल रहने.

किसान नेता राज्य सरकार से जवन सबसे जरूरी बात मनवइने, एआइकेएस एगो बयान में कहलस, कि वन अधिकार कानून के ठुकरावल दावा के फिर से खोलल जाव. बाकिर, जंगल जमीन पर फसल जांच होखला के घोषणा भइल, अउर सगरो सरकारी योजना जंगल जमीनधारक ले पहुंचवाल जा सके, जवन खातिर ऊ लोग अभहीन ले योग्य नईखे.

"मुख्यमंत्री जी के स्वीकारल मांग के लागू करे के पूरा भरोसा अउर आपन व्यक्तिगत गारंटी दिहने," धावले बतवने. "ऊंहा के ईहो भरोसा दिहनी कि मंत्री स्तर पर लगातार पता लगावल जाई, ताकि लागू कईला में कवनो कमी ना रही पावे."

ए उद्देश्य से, हर जिला में एसडीओ साहब के अध्यक्षता में अधिकारी लोग के कमेटी के गठन होई, ताकि हर बन अधिकार के केस के दोबारा जांच हो सके, एआईकेएस से सूचना मिलल. "ई पूरा कारवाही अगला तीन महीना में खत्म हो जाई."

एकर मतलब ई भईल कि जे आदिवासी किसान के क्लेम एकबेर ठुकरवल गईल ऊ फिर से आपन जमीन के मालिक होखला के सपना देखी सकेला, आधिकारिक रूप से.

अगला कुछ दिन में, किसान नेता आदिवासी किसानन के जमीन अधिकार खातिर दावा भरले में मदद करिहे. भांगरे भी ओही इंतजार में बाने. ऊनकर एगो बेटा अउर एगो बेटी बा. दूनू किशोर बाने. ऊ आशा करत बाने कि कम से कम ई लोग थोड़ बहुत खुशी के साथ जी सकेने, जवन अबहीन ले ऊनकरा भाग्य में ना रहे.

"ई खुशी लमहर इंतजार के बाद आइल बा," ऊ कहने.

अनुवाद: अविनाश कुमार मिश्र