ସ୍ଵାଧୀନତା ସଂଗ୍ରାମୀ ଆର. ନଲ୍ଲାକନ୍ନୁଙ୍କ ଇହଧାମ ତ୍ୟାଗ

ଆର. ନଲ୍ଲାକନ୍ନୁ ୧୯୨୫ – ୨୦୨୬

ଆର. ନଲ୍ଲାକନ୍ନୁ ଭାରତୀୟ ସ୍ଵାଧୀନତା ସଂଗ୍ରାମର ମହାନ ବ୍ୟକ୍ତିତ୍ଵମାନଙ୍କ ମଧ୍ୟରୁ ବଞ୍ଚି ରହିଥିବା ଶେଷ ବ୍ୟକ୍ତିତ୍ଵ ଫେବ୍ରୁୟାରୀ ୨୫ ତାରିଖ ଦିନ ଇହଧାମରୁ ବିଦାୟ ନେଇ ଚାଲିଗଲେ। ମୃତ୍ୟୁ ବେଳକୁ ତାଙ୍କୁ ୧୦୧ ବର୍ଷ ବୟସ ହୋଇଥିଲା, ଏବଂ ଏହା ନିଶ୍ଚିତ ଭାବେ କୁହାଯାଇପାରେ ଯେ ତାମିଲନାଡୁରେ ସେହି ସମୟର ନେତୃବୃନ୍ଦଙ୍କ ମଧ୍ୟରୁ ସେ ହେଉଛନ୍ତି ଶେଷ ବ୍ୟକ୍ତିତ୍ଵ। ଉପନିବେଶବାଦୀ ଶକ୍ତି ବିରୋଧରେ ଲଢ଼େଇ କରି ଲୋପ ପାଇଯାଉଥିବା ପିଢ଼ି ମଧ୍ୟରୁ ଜଣେ ରୂପେ ମୁଁ ତାଙ୍କ ଉପରେ ପୁସ୍ତକଟିଏ ଲେଖିଛି - ଦି ଲାଷ୍ଟ ହିରୋଜ: ଫୁଟ ସୋଲଜର୍ସ ଅଫ ଇଣ୍ଡିଆନ ଫ୍ରିଡମ।

୨୦୨୨ର ସ୍ଵାଧୀନତା ଦିବସ ଦିନ ତାମିଲନାଡୁ ସରକାରଙ୍କ ପକ୍ଷରୁ ତାଙ୍କୁ ଦଶ ଲକ୍ଷ ଟଙ୍କା ପୁରସ୍କାର ରାଶି ରହିଥିବା ରାଜ୍ୟର ସର୍ବୋଚ୍ଚ ସମ୍ମାନ ଥାଗାଇସାଲ ଥାମିଝାର ପୁରସ୍କାର ପ୍ରଦାନ କରାଯାଇଥିଲା। ଜନମୁଖରେ ଅଧିକନ୍ତୁ ଜଣାଶୁଣା କମ୍ରେଡ଼ ଏନଆରକେ ପୁରସ୍କାରଟିକୁ ଗ୍ରହଣ କଲେ, କିନ୍ତୁ ୧୦ ଲକ୍ଷ ଟଙ୍କା ପୁରସ୍କାର ରାଶି ସହ ବ୍ୟକ୍ତିଗତ ଭାବେ ଆଉ ୫,୦୦୦ ଟଙ୍କା ଯୋଗ କରି ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ପ୍ରଦାନ କଲେ। ସେ ଥିଲେ ଏହି ଭଳି ବ୍ୟକ୍ତିତ୍ଵ ସମ୍ପନ୍ନ ଜଣେ ବ୍ୟକ୍ତି ଯେ କି ରାଜ୍ୟରେ କୃଷକ ଆନ୍ଦୋଳନର ଜଣେ ପ୍ରତିଷ୍ଠାକାରୀ ନେତା।

ପଢନ୍ତୁ ଆର.ନଲ୍ଲାକନ୍ନୁ ଅନେକ ବିସ୍ମୃତ ସ୍ଵାଧୀନତା ସଂଗ୍ରାମ ପାଇଁ ଲଢେଇ କରିଥିବା ବ୍ୟକ୍ତି

କମ୍ରେଡ ଆରଏନକେଙ୍କୁ ସମ୍ପୂର୍ଣ୍ଣ ରାଜ୍ୟ ସମ୍ମାନ ସହିତ ବିଦାୟ ଦେବା ପାଇଁ ମୁଖ୍ୟମନ୍ତ୍ରୀ ଏମ୍.କେ. ଷ୍ଟାଲିନଙ୍କ ନେତୃତ୍ୱରେ ହଜାର ହଜାର ଲୋକ ଚେନ୍ନାଇ ସହରରେ ଏକତ୍ରିତ ହୋଇଥିଲେ। ନାଲି ରଙ୍ଗର ସାର୍ଟ ଓ ଉଡ଼ୁଥିବା ଲାଲ୍ ପତାକା ଯେପରି ଚେନ୍ନାଇର ରାଜରାସ୍ତାକକୁ ଆଚ୍ଛାଦିତ କରି ରଖିଥିଲା। ଏହି ଜନ ସମୁଦ୍ରର ଭାବାବେଗପୂର୍ଣ୍ଣ ସ୍ଲୋଗାନ୍ ପରିବେଶକୁ ପ୍ରକମ୍ପିତ କରୁଥିଲା। ଏହା ଥିଲା ଅତ୍ୟନ୍ତ ଆବେଗଭରା ବିଦାୟ ମୁହୂର୍ତ୍ତ, ଶୋକାକୂଳ ବ୍ୟକ୍ତିମାନେ ତାଙ୍କ ଶବାଧାର ପାର୍ଶ୍ୱରେ ଶୋଭାଯାତ୍ରାରେ ଧାଡ଼ି ବାନ୍ଧି ଚାଲିଥିଲେ। ଆରଏନକେଙ୍କର ଶେଷ ଇଚ୍ଛା ଅନୁଯାୟୀ ତାଙ୍କର ଦେହାବଶେଷ ପରବର୍ତ୍ତୀ ସମୟରେ ମାଡ୍ରାସ ମେଡିକାଲ୍ କଲେଜକୁ ହସ୍ତାନ୍ତର କରାଯାଇଥିଲା