सायकलवरचा ढोलवाला

श्रीलाल सहानी एक वादक आहेत. स्थानिक लोक त्यांना लखपतीबाबू म्हणूनच ओळखतात. ते पश्चिम बंगालमधील बोलपूरमध्ये आपल्या कुटुंबासह राहतात. सायकलवरती मागे बांधलेले ढोल आणि झांज दोन्ही हातांनी एकाच वेळी वाजवत सायकल चालविण्याची एक असाधारण कला त्यांच्यापाशी आहे.

श्रीलाल गेल्या २७ वर्षांपासून त्यांच्या सायकलवरून दररोज दोन फेऱ्या मारतात - सकाळी तिथल्याच जवळच्या बाजारात मासे विकण्यासाठी आणि दुसरी सायकलवर मागे लावलेले ढोल आणि झांज वाजवत शांतिनिकेतनच्या रस्त्यांवरून फिरण्यासाठी. श्रीलाल सायकलवरून रोज सहा किलोमीटर वाद्य वाजवत हा अनोखा प्रवास करतात.

या छोट्याश्या फिल्ममधील छायाचित्रणाची संपूर्ण जबाबदारी शांतिनिकेतनच्या विश्वभारती विद्यापीठातील माजी विद्यार्थ्यांनी सांभाळली आहे: श्रमणा सेनगुप्ता २०१६ मध्ये पारीमध्ये इंटर्न म्हणून काम करत होता. तो सध्या कोलकाता येथील क्वेस्ट मीडिया अँड एंटरटेनमेंट येथे डिजिटल मार्केटिंग टीमचे नेतृत्व करतो; आणि सुभा भट्टाचार्य, जाधवपूर विद्यापीठातील रेडिओ जेयू या युनिसेफ प्रकल्पामध्ये स्वयंसेवक म्हणून काम करते.

रिया डे हिने विश्वभारतीमध्ये शिकत असताना ही फिल्म बनविण्यासाठी प्रत्यक्ष कार्यात योगदान दिलं आणि उपशीर्षकांचं भाषांतर देखील केलं. आणि या बोधपटाची (डॉक्युमेंटरीची) एक आवृत्ती सुद्धा तयार केली. सध्या ती कोलकाता येथील अलिपूर उन्मिश सोसायटी या स्वयंसेवी संस्थेत काम करते.