સંગીતકાર કે માછીમાર

શ્રીલાલ સહાની એક સંગીતકાર છે. તેઓ સ્થાનિક રીતે લખપતિબાબુ તરીકે પણ ઓળખાય છે, અને પશ્ચિમ બંગાળના બોલપુરમાં તેમના પરિવાર સાથે રહે છે. તેમની પાસે હાથ પાછળ રાખીને બે વાદ્યો – ઢોલ અને ઝાંઝ – વગાડતાં સાયકલ ચલાવવાની અનોખી કળા છે.

27 વર્ષથી, શ્રીલાલ દરરોજ તેમની સાયકલ પર બે સફર કરે છે – એક સવારે સ્થાનિક બજારમાં માછલી વેચવા માટે અને બીજી સાંજે શાંતિનિકેતનની શેરીઓમાં, તેમનું સંગીત વગાડતા છ કિલોમીટરનું અંતર કાપીને.

અહીં આવેલી ફિલ્મમાં વિશ્વ-ભારતી યુનિવર્સિટી, શાંતિનિકેતનના ભૂતપૂર્વ વિદ્યાર્થીઓએ કેમેરાનું કામ કર્યું છે: શ્રમણ સેનગુપ્તા, જેઓ 2016માં PARI ઇન્ટર્ન હતા અને હવે કલકત્તામાં ક્વેસ્ટ મીડિયા એન્ડ એન્ટરટેઈનમેન્ટની ડિજિટલ માર્કેટિંગ ટીમનું નેતૃત્વ કરે છે; અને શુભા ભટ્ટાચાર્ય, જેઓ જાદવપુર યુનિવર્સિટીમાં યુનિસેફના રેડિયો જેયુ પ્રોજેક્ટમાં સ્વયંસેવક તરીકે કામ કરે છે.

રિયા ડેએ ફિલ્ડ વર્કમાં યોગદાન આપ્યું હતું અને સબટાઈટલનું ભાષાંતર કર્યું હતું, અને વિશ્વ-ભારતીમાં અભ્યાસ કરતી વખતે ડૉક્યુમેન્ટરી પ્રોજેક્ટ માટે આ ફિલ્મનું એક સંસ્કરણ બનાવ્યું. તે હવે કલકત્તાની એક બિન-સરકારી સંસ્થા, અલીપોર ઉન્મિષ સોસાયટી સાથે કામ કરે છે.

અનુવાદક: કનીઝફાતેમા