ज़रदोजी के फंदा मं उरझे बालपन

C Minor

A fragile faith once soothed
the scarlet sunup, is past –
out of the shanty, city shadows now cast
all hours long, all day long.

The little child warps his prayers to the loom
his eyes shut, he smiles through his gloom
no frolicking fields await his guiding thread,
metallic dust and fusty fumes inhaled instead.
Breathing alloy. Breathing silver, in a sealed room
he grooms a long, strung-out shadow.

Beads and sequins now his sacred cords,
he plaits the patterns: shift after ceaseless shift.

His spent eyes fill with satin sheen and shapes
of silver and cream, of gold and green, he weaves
fine fabric for a universe unseen.
Yet all he begs of this relentless reel,
the simple mercy of a single meal.

Upon his frail back, slings a burly story,
childhood covertly becomes lint,
the workshop his only school
where needles knit and silent tears glow.

The music here wanes upon a splintered strain
when you say you only prefer songs of pain.

उदास धुन

कनि भर भरोसा
जेन कभू उबत सुरुज ला
कलेचुप सहरा जावय
तइहा के बात होगे हवय.
अब ये ह कुरिया के फेरका ले
कतको शहर के परछाईच
झाँकत रहिथे सरा दिन–रतिहा,
ओ नानचिक कोंवर लइका
अपन बिनती ला करघा मं बुनत,
आंखी बंद करके
पीरा मं घलो मुचमुचावत रहिथे.
खेले-कूदे के जगा बलावय नइ वोला
गोड़ मं सनाय नइ माटी–चिखला,
हवे त बस लोहा, तांबा, मीना के फुदका.
गमकत हवा मं ओकर जी घुटत
हाथ मं धरे मोती अऊ जगमग सितारा,
धागा मं कोनो सपना पिरोवत,
सरा दिन, मंझनिया अऊ संझा,
हाथ जेन ह कभू नइ थिरय.
थक के चूर ओकर आंखी
साटन के चमक ले चमकत
चांदी कस धन हरियर
उज्जर धन सोन-लाली.
वो संसार बर वो ह बुनथे
महीन सुग्घर कपड़ा,
जेन ला कोनो नइ देखिस.
ओकर बाद घलो,
सिरोवत नइ मिहनत ले
ओला कोनो सिकायत नइ,
बस वो ह मांगथे,
एक बखत के दाना-पानी.
अपन कोंवर खांध मं,
बड़े अकन कहिनी के बोझा धरे,
जाने कब ओकर बचपना नंदागे,
कपसा के फाहा बन गे.
जेन ला धुनकी के भारी मार
झर्रावत हवा मं दिही उड़ा,
ये कारखाना आय ओकर स्कूल,
जिहां सूई के चुभे ले घलो,
आंखी ह निकरे नइ देवय आंसू.
टूट गे सब तार संगीत के,
धुन घलो अब सिरागे,
जब तुमन कहिथो, मोला,
बस दरद के गीत सुहाथे...