बिपत मं आस जगावत हेल्पलाइन

जइसनेचओकर फोन बजे लासुरु होथे, 20 बछर के किरीततुरते एक ठन डेस्कटॉपके आगू बइठ जाथे, हेडफोन लगाथे, कलम धरथे, अऊअपन डायरी खोल लेथे.

“नमस्कार, शिवार हेल्पलाइन,” वो ह शांतअऊ थिर आवाज मंकहिथे.

दूसरकोती महाराष्ट्र के नांदेड़ जिलाके एक ठन गाँवके बासिंदा अधेड़ उमर केकिसान महतारी पार्वती हवय.

“मंय तोर कायमदद कर सकथों?” किरितह मराठी मं पूछिस. वोह पुणे के एकठन कालेज मं बीए साइकोलाजीमं तीसर बछर मंहवय, अऊ असल मंपरभणी के एक ठनगाँव के रहेइय्या आय.

पार्वती हिचकत हवय. ओकर आवाज थरथरावत हवय.

वोह मुस्किल ले कहिथे, “बरसाह हमर सब्बो फसलला बरबाद कर दीस. सोयबीन, राहेर ... छेरी घलो बोहागे. अब कोनो काम बूतानइ ये.” परिवार केसहारा –खेती, मवेसी, सीजन के बनिहारीसब्बो पानी मं बूड़गे. करजा चुकता नइ करेगे हवय; आस खतम होगे हवय. वो ह पूछथे केकाय वो ह अवेइय्याउन्हारी बर मूंग केबिजहा दे सकथे.

वोह कहिथे, “गर हमन लाबीजा मिल जाही, तहमन कम से कमघाम के सीजन तनिकाल लेबो.”

हेल्पलाइनइंटर्न (सिखेइय्या) के रूप मं, किरित बीते दू महीनाले करीबन हरेक दिन अइसनेचकहिनी सुनत हवत. वोह लगन ले वोमन के जरूरत लालिखके रखथे, ओकर मन केघर अऊ गाँव केसमाज के हाल पूछथे, अऊ वो मन लाबताथे के वो हनवंबर 2025 ले जेन हेल्पलाइनमं सिखत हवय, ओकरमुखिया ला ओकर परिवारके जरूरत ला बताही.

"काहीतरी जरूर होईल, काळजीकरू नका [कुछू नकुछु जरुर हो जाही, चिंता झन कर].” वोह वोला सहलावत कहिथे. फोन करेइय्या नोनी ह वोजवान लइका ला भारीआभार जताते, फेर फोन राखेके पहिली वो ह बिनतीकरथे: “या बहिणीकडे लक्षठेवा दादा [येबहिनी ला सुरता राखबेभैय्या]”

“काळजी घ्या [अपन ख्याल राखबे],” वो ओकर ले कहिथे.

मंझनियामं सुरु होय गोठ-बात 10 मिनट मं सिराजाथे. फेर दूनो डहरमन मं पीरा हवय.

किरितकहिथे, “हमन प्रैक्टिकल मंसीखत हवन.” ओकर घर केहालत घलो अलग नइये, येकरे सेती वो हफोन करेइय्या लोगन मन केदिक्कत ला समझथे अऊअपन कस मसूस करथे.

शिवारहेल्पलाइन के सुन्ना वालेदू खोली के आफिस – जेन ह एक ठनसेवा भावी संस्था डहरले चलेइय्या किसान मन बर हेल्पलाइनआय – पुणे के कोथरूडइलाका मं चहल-पहलवाले कमर्शियल बिल्डिंग के चौथी मंजिलमं हवय. बहिर गाड़ीमन के आवाज कमजियादा होवत रहिथे. 8955771115 मं एकठन अऊ फोन आथे. ओकर बाद एक ठनअऊ. किरीत अपन हेडफोन फिरले लगा लेथे अऊअवेइय्या दुखियार/दुखयारिन के बात सुनेबर तियार हो जाथे.

बीतेदू महीना मं बनेच जियादाबरसा ह किसान मनके टूटत दुनिया मंशिवार हेल्प लाइन ह थोकनआस बने हवय. अधिकतरदिन, ये हेल्प लाइनदू दरजन फोन उठाथे; कुछेक फोन घंटा भरले जियादा लंबा चलथे.

ऑफिसके भिथि मं महाराष्ट्रके नक्शा, हेल्पलाइन के पोस्टर, नोट्सअऊ कागजात टंगाय हवय, जेन हसिखेइय्या मन ला फोनमं अवेइय्या बात के कारनला सुरता कराथे. ये हेल्पलाइन कमसाधन के संग, फेर बनेच अकनहमदर्दी जताथे. ये ह अधिकतरलोगन मन के बतायअऊ सोशल मीडिया केसेती येकर नंबर दूरिहा-दूरिहा तक ले बगरगेहवय.

येफोन मन महाराष्ट्र केबरसात ले बरबाद गाँव-देहात अऊ ओकर बहिरले आथें: छोटे किसान, माईलोगनअऊ लइका मन, गाँवके लइका मन, जेनमन शहर मं पढ़तहवंय फेर पुस्तेनी जमीनके करजा मं बंधायहवंय, मजूर मन जेकरमन करा आगू बरकुछु नइ ये. करीबनहरेक फोन करेइय्या मनके एक जइसने कहिनीहवय: नुकसान, करजा, अपमान, चिंता, डर. अधिकतर फोनकरेइय्या मन के सरकारीअफसर धन राजनीतिक नेतामन ले संपर्क करेके कोसिस बेकार रहे हवय. टीमअइसने लोगन मन केबात सबले आगू सुनथेजेकर मन मं आत्महत्याकरे के बिचार आथे.

मंझनिया 2 बजे तक, आने इंटर्नअऊ काउंसलर आफिस मं आथेंअऊ डेस्कटॉप के आगु अपनअपन सीट मन मंबइठ जाथें.

येटीम मं सीखेइय्या जवानलइका मनल पइसा देयजाथे, जेन मन मंअधिकतर खेती-किसानी वालेघर ले हवंय अऊमनोविज्ञान के पढ़ई करतहवंय, जइसने के किरित, धनओकर 21 बछर के संगवारीसुरेश जेन ह जालनाके एक ठन गाँवले हवय, धन गिरीशजउन ह गढ़चिरौली केदेहात ले हवय.

किरिटह फोन के बीचमं पारी ले गोठियावतकहिथे, “अधिकतर फोन करेइय्या मददमांगे ले हिचकथें. वोमन ला लागथे केये ह ओकर मनके मान के उलटहवय, फेर जब ओकरमन करा कोनो रद्दानइ बांचय, त वो मनहमन ला फोन करथें.”

अगलाफोन नांदेड़ के एक ठनगाँव के हलाकान जवाननोनी के हवय, जेनह पुणे मं पढ़तहवय.

“मंय पुणे मं 10-12 सहेली मन के संगएक खोली मं रहिथों... फेर मोर करा भाड़ादेय, खाय के बिसोयबर पइसा नइ ये; हमन ले करो करापइसा नइ ये; मोरदाई-ददा मन कराभेजे बर कुछु नइये, बरसात ह सब्बो कुछुबरबाद कर दे हवय.”

वोह महीना भर के खरचाबर पइसा के मददके बिनती करथे – जेकर ले भाड़ादे सकय अऊ खायके बिसोय सकय.

ओकरनांव तुरते वो अलग लिस्टमं जुड़ जाही जेनला हेल्पलाइन बेवस्था करथे – ये मं खासकरके पुणे के यूनिवर्सिटीमं पढ़ेइय्या अइसने जवान बाबू-नोनीमन हवंय जउन मनमहाराष्ट्र के गाँव-देहातले हवंय, अऊ वो मनला तुरते भाड़ा, खाय अऊ आर्थिकमदद के भारी जरूरतहवय.

एकझिन अऊ फोन करेइय्याधाराशिव के चरवाहाआय जेकर छेरी मन - जेन ह ओकर रोजीरोटी के एकेच जरियारहिस – बाढ़/पुर मंबोहागे; वो ह टूटगे हवय, ओकर रोजी-रोजी छिनगे हवय. ओकर मन मं डरसमाय हवय.

हेल्पलाइनके डैशबोर्ड आंकड़ा के मुताबिक, 23 सितंबरले 23 अक्टूबर 2025 के बीच केकहिनी बनेच खराब हवय : हेल्पलाइन मं करीबन 10,000 फोनरिकार्ड करे गिस अऊओकर जुवाब देय गीस. अतकलाइन ला संभाले बरसिवार ला वो बखतअऊ वालेंटियर मन के भर्तीकरे ला परिस. सबलेखराब दिन वो रहिसजेन मं 894 लोगन के फोनआइस. ये मं कमसे कम 180 लोगन मन आत्महत्याकरे के सोचत रहिन.

विनायकहेगन्ना सुरता करत कहिथें, “हमनफोन के दुवाब मंटूट गेन.” 31 बछर के विनायकशिवार के संस्थापक अऊसीइओ हवंय. प्रसिच्छित मनोवैज्ञानिक अऊ सामाजिक कार्यकर्ताहोय के नाते, वोह गाँव-देहात केइलाका के दिक्कत मनला लकठा ले देखेहवय.

अतकजियादा फोन ले हेगन्नाअऊ ओकर जोस लेभरे जवान लइका मनके टीम नइ घबराइस. वो मन ला जेनबात ह हिला केराख दे रहिस, वोरहिस हाल के मऊसमके गड़बड़ी ले होय भयंकरदिक्कत, जेन ह मनखेके गलती अऊ बिनतियारी के रहे सरकारीअमला सेती अऊ बढ़गेरहिस.

साल 2023 के शेवनिंग फेलो हेगन्ना हहेल्पलाइन आफिस मं पारीला बताइस, “ ये फोन मनले हमन ला महाराष्ट्र भर के लोगनमन के खराब हालतके पता चलथे.” वोह बीच-बीच मंफोन उठावत रहिस अऊ अपनसिखाय टीम ला हिदायतदेवत रहिस. “आफत ह बनेचगहिर हवय.”

करीबन 30 बछर ले, महाराष्ट्र – खासकरकेविदर्भ अऊ मराठवापड़ा इलाका, मं खेती कतको बिपतले जूझत हवय. येकरनतीजा किसान मन के सरलगआत्महत्या के घटना आय – जब ले नेशनल क्राइमरिकॉर्ड्स ब्यूरो (एनसीआरबी) ह अपन सलानाएक्सीडेंटल डेथ्स एंड सुसाइड्स इनइंडिया (एडीएसआई) रिपोर्ट मं येकर लेखा-जोखा राखे सुरुकरे हवय, तब ले 60,000 ले जियादा आत्महत्या हो चुके हवय. ये बछर भारी बरसासेती आय अचानक बाढ़/पुर अऊ राजके बड़े हिस्सा मंबनेच अकन फसल केबरबादी किसान मन के आगूचुनोती के रूप मंसबले नवा आय.

हेगन्नाकहिथे, “मऊसम के आफतसिरिफ आर्थिक संकट भर नोहे, ये ह दिमागीबीमारी के महामारी घलोआय.”

24 सितंबर, 2025 मंभारी बरसा बखत, 42 बछरके लक्ष्मण गवसाने ह लकठा केशहर ले अपन घरवालीशिवकन्या ला आखिरी फोनकरे रहिस, जिहां वो ह किरानासामन बिसोय गे रहिस.

छोटेकिसान होय सेती, वोह बनी-भूति घलोकरत रहिस अऊ जेनघलो बूता मिलय, करतरहिस. ओकर सपना रहिसके वो ह अपनबेटी वैष्णवी अऊ बेटा शिवशंकरला पढ़ाय. वैष्णवी सोलापुर जिला के बार्शीशहर मं फार्मेसी मंडिप्लोमा के आखिरी बछरमं हवय. शिवशंकर धाराशिवमं टेक्निकल एजुकेशन मं डिप्लोमा केदूसर बछर मं हवय.

फोनकरे के बाद गावसानेनइ लहुटिस. दूसर बिहनिया जबबरसा होवत रहिस, वोह गाँव के रोडतीर के एक ठनखेत मं मरे मिलिस, ओकर देह भींगे रहिस, ओकर किराना सामान के झोला कुसियारके खेत मं फिलेपरे रहिस, ओकर परोसी सोमनाथआंदलकर ह ये रिपोर्टरला बताइस. वो ह एकठन कागज मं लिखकेछोड़े रहिस जेन मंउहाँ के नेता मनले बिनती करे गे रहिसके वो मन ओकरलइका मन के पढ़ईमं पूरा मदद करेंय.

होसकथे गावसाने अऊ ओकर परिवारह ये हेल्पलाइन केबारे मं कभू सुनेचनइ होय होही. गरसुने रइतिस, त हो सकथेआज वो ह जींयतरइतिस.

सोलापुरके बार्शी तहसील के दहितणे गाँवदुख मं बूड़ गे, काबर के झड़ी धरेरहय, अऊ बढ़िया फसलके जम्मो आस नंदा गेरहिस. गवसाने के खेत बिनअपासी वाले रहिस, अपनडेढ़ एकड़ खेत मंवो ह सोयाबीन कमावतरहिस. ये बछर केसुरु मं, वो हबवासीर के आपरेसन मंकरीबन 50,000 रूपिया खरचा करे रहिस, जेन ला वो हसंगवारी अऊ रिस्तेदार मनले उधार ले रहिस. शिवकन्या ह घलो सेल्फ-हेल्प-ग्रुप ले लोन लेगेरहिस, जेन ह जम्मोमिलाके 50,000 रूपिया रहिस.

हालतबनेच खराब होगे रहिस, बनी-भूति करेइय्या टूटेशिवकन्या ह बीड़ अऊधाराशिव जिला के सरहदले लगे गाँव मंअपन दू खोली केघर मं पारी लाबताइस.

गावसानेपरिवार ला अपन लइकामन के पढ़ई बरहर महीना 13,000 रूपिया के जरूरत रहिस - हॉस्टल, खाय अऊ कॉलेज केफीस. ये बछर सरलगबरसा के सेती येजोड़ा ला काम बूतानइ मिलिस – न खेत मं, न शहर मन मं. ओकर फसल घलो खराबहोगे रहिस. ये जिला कुसियारअऊ अंगूर सेती जाने जाथे, फेर ये सूखा इलाकामं बनेच अकन किसानमन करा अपासी केसुविधा नइ ये, वोमन सोयाबीन, जोंधरा,जुवार अऊ दीगर खायके जिनिस कमाथें, फेर ये जमीनमं उपज बनेच कमहोथे.

“निरास होय के छोड़हमर करा कुछु नइरहिस,” ओकर घरवाली, जेनह अब पहिली लेबनेच कमजोर होगे रहिस, बड़बड़ाथे, अऊ अपन लइका मनला पढ़ाय सेती, अपनदुख पीरा ला बिसोरकेअपन काम-बूता मंलग गे हवय.

जेनदिन गवसाने परान दीस, इहाँके अख़बार मन लकठा केइलाका मन मं आत्महत्याकरके चार झिन अऊमरे के खबर देयरहिन. सोलापुर जिला मं अगस्त 2025 के जावत तक लेभारी बरसा होय रहिस. 20 ले 25 सितंबर के बीच जिलामं 365.8 मिमी बरसा होयरहिस. सरकार के आंकड़ाले पता चलथे केये महीना के 30 मिमी के लंबाबखत ले होवत अऊसतले 1.253 फीसदी जियादा रहिस. सर्कल के हिसाब लेभारी जियादा फेरफार अचमित करेइय्या रहिस.

शिवारहेल्पलाइन आफिस मं, सितंबरके आखिर तक जइसने-जइसने फोन आय बढ़तगीस, ये साफ होगिसके लोगन मन सिरिफफसल के नुकसान धनपइसा के नुकसान लाबतावत नइ रहिस. वोमन येकर ले कहूँबड़े बात बतावत रहिन: आसके उलट झटका, बदलतमऊसम सेती होय दिमागीपीरा, कम साधन बरजूझे, राहत अऊ पुनर्वासबर गुहार, लइका मन केपढ़ई बर मदद, इहाँतक के पहिरे अऊओढ़े बर कपड़ा-लत्ताके मदद घलो ...

20 ले 28 सितंबरके बीच आठ दिनोतक ले, बंगाल कीखाड़ी ले अवेइय्या तूफ़ानले मराठवाड़ा अऊ पश्चिममहाराष्ट्र मं एक केबाद एक कतको झड़ीलगे रहिस, जेकर ले अक्सरसूखा रहेइय्या नदी उफने लगिस, खेत-खार मन मंपुर आगे, ये खेतमन ढेरिया के आय बरसातले अभिचे-अभिचे उबरत रहिन. येइलाका के लोगन मनसूखा झेल सकत रहिन, फेर बाढ़ ला नइ.

गांववाले मन कतको बेरबताइन के कइसने छोटे, जाने-चिन्हे नदिया मन भयंकर नदियाबनगे रहिन अऊ वोमन के खेत अऊगाँव ला पूरा बरबादकर दीन. कइसने कतकदिन तक ले झड़ीलगे रहय अऊ नान-नान तरिया फूटगे, बांध के उलटले पानी बोहाय लगिस.

सिरिफहफ्ता भर मं अकेल्लाधाराशिव जिला मं समान्यले 376 फीसदी जियादा बरसा होइस – येआंकड़ा कोनो घलो सरकारीबयान ले जियादा बढ़ियाढंग ले भयंकर तबाहीला उजागर करथे.

सरकारके आंकलन मुताबिक, मराठवाड़ा के आठ जिलामन मं 44 लाख हेक्टेयर लेजियादा सियारी फसल, जेन हलगाय गे इलाका केएक तिहाई हवंय, समूल नास होगे. राज भर मं, अंताजन 75.42 लाख हेक्टेयर खेत ला नुकसानपहुंचे हवय. येकर छोड़, बाढ़ मं करीबन 3,600 घरटूटगे, 224 लोगन मन केपरान चले गीस अऊ 600 मवेसी घलो मारे गीन.

पर्यावरनतंत्र, सामाजिक अऊ भावनात्मक नतीजाबनेच बखत तक लेरहिथे. पुर ह नदियापार के रुख-रईला बोहाके ले जाथे, नदियाके पार ला बिगाड़देथे, अऊ पिये केपानी के धार लामैला कर देथे. वोह पानी बोहाय, जमीनभीतरी भरे अऊ बहिरनिकरे के बीच केप्राकृतिक संबंध ला टोर केभूंइय्या मं भीतरी पानीला फिर ले भरेमं घलो अडंगा डारथे. समाजिक रूप ले, बाढ़/पुर गाँव केलोगन मन ला अऊदुब्बर बना देथे : परिवारफसल, मवेसी, जमा अनाज अऊजरूरी कागजात गंवा देथें. घेरी-बेरी होवेइय्या नुकसानले वो मन केसहन करे के ताकतसिरा जाथे, जेकर ले कतकोलोगन मन करजा अऊपलायन के चक्कर मंफंस जाथें.

डॉ. सुभासिस भद्रा कहिथे, “समाजिक, सांस्कृतिक, राजनीतिक अऊ आर्थिक हालतह आफत-बीपत केबखत लोगन मन केदिमागी सेहत ला तयकरथे.” डॉ. भद्रा, बेंगलुरुके नेशनल इंस्टीट्यूट ऑफ मेंटल हेल्थएंड न्यूरो-साइंसेज (एनआईएमएचएएनएस) मं 'डिपार्टमेंट ऑफसाइको-सोशल सपोर्ट इनडिजास्टर मैनेजमेंट' के प्रोफेसर अऊविभागाध्यक्ष हवंय. वो ह बीते 25 बछर ले देस केकतको बड़े प्राकृतिक आपदामन मं दिमागी सेहतअऊ ओकर ले जुड़ेअध्ययन अऊ राहत काममन के अगुवाई करेहवंय. वो ह चेताथेके दिमागी सेहत के कामला हमन आने दीगरकारक मन ले अलगकरके नइ देख सकन. एकरे सेती, आपदा के बखतदिमागी सेहत ले जुड़ेकाम मन ला निजी, पारिवारिक अऊ समाजिक स्तरमं मिलके करे के जरूरतहवय.

वोह कहिथे, “लोगन मन अचानकलगे सदमा ले कतकजल्दी उबरे सकहीं, येह येकर उपर रहिथेके आपदा के पहिलीके तियारी, आपदा के बखतअऊ ओकर बाद मददकरेइय्या सिस्टम कइसने, कतक बड़े अऊकतक तेज रहिस.”

वोह कहिथे के जतक जियादाहमर समाजिक मेल-मिलाप रइही, ओतकेच जियादा हमर समाज कोनोमुसीबत के सामना करेसकही.

“15 सितंबर, 2025 मं, बीड जिलाके केज गाँव मंबिहनिया 6 बजे ले पानीगिरे सुरु होईस अऊदू घंटा मं 150 मिमीबरस गे; गाँव केबांध फूट के अऊचरों कोती पानी भरगे. रुख मन उखड़ गीन, पानी ले गाँव हबूड़गे,” लातूर के पत्रकार, लेखकअऊ क्लाइमेट चेंज एजुकेटर अतुलदेउलगांवकर कहिथे.

राक्षसवाड़ीगाँव मं गणेश सोपानगडदे के चुंवा गादसे भर गे रहिस, अऊ जब पानी उतरिसत वो ह देखेथेके ओकर खेत मंचट्टान अऊ फुटबाल केआकार के पथरा पटागेहवय. देउलगांवकर कहिथे, “पथरा अऊ चट्टानमन ला हटाय अऊअपन जमीन ला खेतीके लइक बनाय मंवोला कतको दिन, होसकथे महीना जाय,” वो ह बतावतजाथे, “मोला लागथे केकिसान के खेत मं 150-200 ट्रेक्टर ट्राली पथरा अऊ चट्टाननिकरही, फेर वो मइनखेकरा लोगन मन रोजीअऊ मसीन भाड़ा मंलेय के पइसा नइये.”

मऊसमवैज्ञानिक, खेती-बारी केमऊसम वैज्ञानिक अऊ सिविल सोसाइटीग्रुप मन के अक्टूबर-2025 के एक ठन स्वेतपत्र मं ये तर्कदे गे हवय केमराठवाड़ा मं बाढ़ – अऊओकर ले जन्मे दिमागीसेहत के संकट – सिरिफबरसा के सेती नइ, फेर बेवस्था के काम नइकरे के सेती होयरहिस. मऊसम के खराबघटना मन के असरपर्यावरन तंत्र के कमजोर होयअऊ लोगन मन केबनाय गे बांध उपरपरिस. सितंबर मं ये इलाकामं 305 मिमी बरसा होइस, जेन ह सामान्य ले 204 फीसदी जियादा रहिस, अऊ बीड, परभणी, लातूर, हिंगोली अऊ नांदेड़ जइसनेजिला मन मं नवारिकार्ड बनिस.

फेरये आफत ह पहिलीचले सुरु होगे रहिस: जून-जुलाई मं कम बरसासेती माटी सूखागे, ओकरबाद अगस्त मं अचानक भारीपानी गिरे ले तरिया/बांध त भरगीस, फेर माटी पानीसोखे नइ सकिस. सितंबरके आखिर तक, कचरा-गाद भरे नदिया, छोटे-छोटे पुलिया, पानीनिकासी ला रोकत रोडअऊ बांध ले पानीछोड़े मं तालमेल नइहोय, ये सब्बो हमिलके झड़ी ला अइसनेबाढ़ मं बदल दिसजेन ला रिपोर्ट मं “रोके जाय सकेइय्या बाढ़’ कहेगीस.

रिपोर्टके मुताबिक, मराठवाड़ा अब एक जइसनेसूखा इलाका नइ रहिगे, फेरअलग-अलग तरीका केहालत ह मेंझरगे हवय – लंबा बखत तक सूखाके संग संग अचानकले बनेच भारी बरसाघलो होथे.

येसार बात ला महापूरअहवाल(बाढ़ रिपोर्ट, नवंबर 2025 ) ले अऊ सहारा मिलथे, जउन ह नेशनल अलायंसऑफ़ पीपल्स मूवमेंट्स (एनएपीएम) डहर ले करेगे एक ठन जमीनीजाँच-पड़ताल आय. देउलगांवकर घलोये अध्ययन दल के सदस्यरहिन. ये रिपोर्ट मंबताय गे हवय केअब बरसा ह पहिलीकस सुग्घर नइ रहिगे हवय, फेर अब थोकन बखतमं जानलेवा बादल फटे केघटना बढ़गे हवय.

रिपोर्टमं किसान मन के कतकोकहिनी हवय, चाहे वोमन मरद होय धनमाइलोगन मन, सब्बो झिनअइसने जगा मं ठाढ़ेहवंय जिहां ले ओ मनला आगू कुछु दिखतनइ ये, अपन जिनगीभर के कमई, बछरोंबछर के मिहनत अऊअपन नान-नान साधके होय नुकसान लेउबरे जूझत हवंय .

सोलापुरके पाथरी गाँव के गंगाबाईबंदगर संसो करत कहिथे, हमर छै एकड़ खेतमं लगे गोंदली बरबादहो गीस. पानी खेतअऊ घर मं भरगेरहिस. “सरकार के 10,000 रूपिया के मुआवजा येकरभरती कइसने करसकथे? हमन वो पइसाले काय बिसोबो? हमनकइसने घर चलाबो?”

वोह सैकड़ों हलाकान परिवार मन ले एकझिन आय.

इहाँके लोगन मन केकहना आय के कतकोगाँव मं अचानक बाढ़आ गीस, जेकर लेकुछु करे के पहिलीचघर अऊ खेत पानीमं बूड़गे. रिपोर्ट मं येला “अप्राकृतिकबाढ़” कहे गे हवय – जेन ह सिरिफ बरसाभर के सेती नोहे, फेर मइनखे मनके करनी के नतीजाआय: बंद नरूआ, निकासीबर बने नवा किसिमके छोटे पुल, बिनसोचे-गुने बनाय गाँवके रोड मन जेनह पानी ला रोकदेथे, अऊ दलदली (वेटलैंड्स) भूंइय्या के करीबन खतमहो जाय जेन हसोख्ती जइसने काम करत रहिस. सूनों रिपोर्ट बताथे के जब तकले सुधार के काम करेनइ जाही, मराठवाड़ा एकेच मऊसम मंदू अलग हालत मंझूलत रिइही: सूखा अऊ बाढ़.

जइसने-जइसने सरलग बरसा अऊबाढ़ ह मराठवाड़ा अऊपच्छिम महाराष्ट्र मं तबाही मचाइस, शिवार हेल्पलाइन मं घंटों तक, जउन ह दिन बनगे, फोन घन घनावत रहय.

दसेराले लेके देवारी सिरायतक (अक्टूबर के आखिर तक) हेगन्ना घर नइ गीस.

वोह बताथे, “सरलग इकतीस दिन. हमन रार मचे जइसनेहालत मं रहेन.”

वोह आफिस मं भूंइय्यामं सुतय. वो ह दिनमं एक बखत खावयधन खावेच नइ. वो हदू घड़ी टहले बरबहिर निकरय. आज घलो, जबवो ह वो बखतके बात करथे, तओकर आवाज धीर होजाथे: “ चरों डहर बाढ़/ पुर के पानी भरेरहय; लोगन मन अपनआप मं बूड़े रहंय.” ओकर बाद घलो हेल्पलाइन येकरे सेती नइ बढ़िसके ओकर करा बढ़ियाफोन धन सिस्टम रहिस, फेर येकर बर केहेगन्ना ह दिमागी इलाजके मदद ला कभूविलासिता के जिनिस मनेबर तियार नइ रहिस.

वोह बताथे हरेक फोन करेइय्याभारी हलाकान रहय, अऊ आत्महत्याकरे के सोचत रहय. वो ह बताथे, “ हमनकोनो घलो फोन लाहल्का मं नइ लेसकत रहेन; काबर के येकरले परान जाय सकतरहिस.” कभू-कभू वोमन ला तनाव होवय, फेर फोन उठाय जरूरीरहय. “मंय सोचत रहंयके गर मंय कोनोफोन नइ उठायेंय, तहो सकथे कोनो अपनपरान दे दे, सिरतोनअइसनेच रहिस. मोला बने लगयके मंय फोन केजुवाब देंय अऊ ककरोजान बचगे.” सिरिफ उहिच नइ, हेल्पलाइनके सब्बो सदस्य ये काम मंलगे रहिन.

कतकोगुमनाम दानदाता, लोगन मन अऊशिवार हेल्पलाइन के संगी मनभारी जरूरतमंद परिवार मन तक मददके सामान जुटाइन. आजघलो, वो बड़े दिलवाले दानदाता मन ले बिनतीकरथें के वो मनहलाकान किसान मन ला, जेनमन ला मदद केसख्त जरूरत हवय, नगदी धनसामान के रूप मंमदद करेंय.

हेगन्नाअऊ ओकर टीम अपनतनाव ला दूर करेबर सलाह के तरीकाकाम मं लाथे, फेरवो ह कहिथे, “हमनला अपन बर एकठन सपोर्ट सिस्टम के जरूरत हवय; ये मं खरचा आथे, ते पायके हमन ये बखतकरे नइ सकत हवन.”

वहह कहिथे के ये देवारीखास रहिस, फेर हरेक बछरकोनो न कोनो किसानहलाकान रहिथे. काउंसलर हेगन्ना कहिथे, “मंय बीते 10 बछरले देवारी मनाय नइ ओं. अक्टूबर के एक ठनरतिहा, हमन ला 47 ठनफोन आइस – रात 10 बजे ले बिहनिया 6 बजे तक. हरेक फोनकरेइय्या आत्महत्या के बिचार करतरहय.”

एकदिन, आधा रात करीबन 12 बजे जब सब्बो सीखेइय्याचले गीन, हेगन्ना अपनकेबिन मं बइठे दिनके हिसाब देखत रहिस, तभेचफोन बजिस. वो ह सोचिसके फोन नइ उठाय. फेर वो ह अइसनेनइ करिस.

लाइनमं सोलापुर के माढा ब्लॉकके एक झिन जवानलइका रहिस. वो ह धीरे-धीरे बोलत रहय, ओकर साँस फूल जावतरहय. वो ह अऊरतिहा होय अऊ घरके लोगन मन केसुत जाय ला अगोरतरहय.

“सर, वो हकहिस, मंय सोचत रहेंय... गर मंय आज रातसुत जावं, त हो सकथेमंय बिहनिया जागबे नइ करों.”

हेगन्नाबताथे, मोर सब्बो सोचबिचार अऊ थकान घड़ीभर मं नंदागे; मंयकुर्सी मं सीधा बइठगेंय अऊ ओकर लेअपन दुख ला सुनायला कहेंय. ओकर दुख कुछुअलग नइ रहिस: अचानकबाढ़, खराब सोयाबीन केफसल, बीमार महतारी, वो बिहनिया आयलोन एजेंट, अऊ कुछु करेनइ सके के भारीसरम.

35 मिनट तकदूनों गोठ-बात करिन. अपन बात कहिन, कलेचुपसुनत घलो रहंय.

आखिरमं वो ह कहिथे, “कम से कम तंयमोर बात ला सुनेयअऊ तंय पहिली अइसनेमइनखे अस जेन हमोला मजबूत बने बर नइकहय.”

वोरतिहा हेगन्ना मने मन सोचिस, एक जान बच गीस.”

"बस सुनव, उपदेश झन झाड़व, गियानझन बघारो, ओकर हाथ धरो, जब घलो कोनो फोनआथे त मंय अपनआप ले इहीच कहिथों.”

बदलतमऊसम ले होवेइय्या अफरातफरीले बीच मं, येह दिल-दिमाग केसेहत ला फिर लेसुधारे के सबले बड़ेबुनियादी अऊ असरदार तरीकाआय.

हेगन्नाकोल्हापुर के एक ठननान कन गाँव मंपलिस-बढ़िस,, जिहां जिनगी बरसा के होय, फसल अऊ ओकर लेजुड़े कतको छोटे-बड़ेदुख के चरों डहरकिंजरत रहय.

कॉलेजमं वो ह खेती-किसानी के ट्रेनिंग लीस, अऊ बनेच बाद मंमनोवैज्ञानिक के रूप मं, फेर वो ह कहिथेके ओकर असल पढ़ईबनेच पहिली सुरु होगे रहिस, वो किसान मन के चुप्पीमं जउन मन अपनपीरा बर कभू आवाजनइ उठावत रहिन.

हेगन्नाकहिथे, “मंय घलो उहीरद्दा धरे रइतेंय – जइसनेके ये बखत चलनमं हवय, राज धनकेंद्र सरकार के नऊकरी केतियारी करतेंय.” मोर गुरूजी मनमोला समझाइन के जिनगी केकोनो बड़े मकसद होयला चाही जेकर लेसमाज के भला होवय.”

होसकथे ओकर गुरूजी मनवो मं एक सपनादेखेइय्या जवान लइका देखेरहिन जेन ह समाजसेवा मं भारी लगनरखत रहिस.

बछरभर तक ले, वोह बनेच कम पइसामं राज भर मंघूमिस, गाँव मं रहिकेअपन आगू बखत केकाम ला खोजिस अऊवो मन ले सिखिस. वो ह गाँव देहातके नव पीढ़ी केलइका मन के उपरधियान दीस, जेन मंपढ़े लिखे रहिन, बेरोजगाररहिन अऊ जेकर मनकरा कोनो आने मउकानइ रहिस. हेगन्ना कहिथे के शिवार हेल्पलाइन अपन आप बनिस, अऊ वो ह धाराशिवमं बसे के फइसलाकरिस, जिहां वो ह दुखियारीकिसान मन बर मददके कोनो हाथ नइदेखिस.

2017 मं, शिवारहेल्पलाइन प्रायोगिक योजना (पायलट प्रोजेक्ट) 25 ठन गाँव मंसुरु करे गे रहिस .

सुरुके दिन कठिन रहिस: जुन्ना टेबिल कुर्सी, एकेच ठन फोन, कुछेक लोकल कार्यकर्ता, अऊ एक झिन जवानलइका जेन ह खुदेचसीखे मं लगे रहिसके लोगन मन लाअपन जिनगी खतम करे लेकइसने रोके जाय.

धीरे-धीरे, फोन आय लगिस. अइसने मरद लोगन मनजेन मन करजा चुकायनइ पावत रहिन. अइसनेमाइलोगन मन जेकर घरवालाह आत्महत्या कर ले रहिस. पइसा नइ होय सेतीपढ़ई छोड़ेइय्या लइका मन घलो.

धाराशिवमहाराष्ट्र के सबले सूखा, कम बरसा वाले जिलामन ले एक आय: कहे जाथे के येह वर्षा छाया इलाका मंआथे. कोविड 19 महामरी बखत अऊ ओकरबाद, लोगन मन केदिक्कत अऊ बढ़गे.

वोह फोन करेइय्या मन ला कम, मध्यमअऊ जियादा खतरा वाले मंबांटे बर एफडीक्यूआई मतलबफार्मर्स डिस्ट्रेस कोशेंट इंडेक्स – बनाय हवय. जियादाखतरा वाले लोगन मनले वो ह खुदेचगोठ-बात करथे अऊओकर मन के सुधलेवत रहिथे.

हेगन्नाकहिथे जब ले वोह हेल्पलाइन सुरु करे हवय, ओकर टीम महाराष्ट्र केगाँव दहता के लोगनमन के दिमागी तनावके कम से कम 27 ठन अलग-अलग कारनके पता लगाय हवय, अइसने कारन जेन लानीति-नियम बनेइय्या मनजियादा महत्तम नइ देवंय, वोह कहिथे, “ ये मन मंएक ठन कारन परोसीकिसान के संग खेततीर पहुँच के रद्दा लालेके सरलग झगरा आय, जेन ला जिला केराजस्व अफसर मन आसानीले सुलझा सकथें.”

तीनोंहालत मं सलाह केतरीका अलग-अलग होथे. वो ह कहिथे, “जबहमन फोन करेइय्या मनला तीन ठन किसममं बांट देथन, तओकर बाद हमन तयकरथन के कोन तरीकाअपनाय जाय. अतका जियादाफोन करइया मन के होनाये विचार के सबूत आय, फेर ये बखतओमन सीखतहवंय, ते पायके, अवेइय्याअऊ बने होवत जाही.”

हेगन्नादू ठन बात उपरजियदा नजर राखथे : पहिला, दिमागी सहर के सुझाव, अऊ दूसर, गाँव स्तर मंजाके काम करे. वोह कहिथे, हमन ला इहीतनाव उपर काम करेला परही जेकर लेदिमागी समस्या मन जनम लेथें.”

तनावपैदा करेइय्या जिनिस मन हरेक जगाहवंय, अऊ मऊसम केआपातकाल येला अऊ बढ़ादेथे – जइसने के बरसात केबखत सैकड़ों गाँव के लोगनमन मसूस करिन, फेर 15 ले 25 सितंबर के मंझा मंये ह जियादा तेजीले होइस.

हेल्पलाइनपहिली चुनोती ले निपटथे, मतलबदिमागी सेहत के महामारीले फेर जेन तनावलोगन मन ला दिमागीसेहत के समस्या केभंवर मं डारथे, वोमन ला लंबा बखततक ले इलाज केजरूरत रहिथे ; असल जमीनी दखलले लेके नीति मंसुधार तक ले. येकरेमंसूबा ले के हेगन्नाह शिवार फाउंडेशन नांव के एकठन सेवा भावी संस्थासुरु करे हवय, जेकरबारे मं ओकर कहनाआय के ये हकिसान अऊ जवान लइकामन ला लेके बढ़ियाकाम करही.

वोह कहिथे, “जइसने के, हमन धाराशिवमं बेवा मन लाएक जगा लाय हवन, जेन मन ला काम-बूता के जरूरतहवय – हमन वो मनके पइसा-कौड़ी केचिंता ला कम करेबर निजी अऊ सरकारीक्षेत्र मं काम-बूतादेय ला परही.”

ओकरमकसद एक ठन कृषि-मनो-सामाजिक मॉडलबनाय हवय, जेन हशिवार मॉडल होही. संगेसंग, वो ह कहिथेके फाउंडेशन किसान मन बर एकठन अइसने दिमागी सेहत के मददमॉडल बनाय के कोसिसकरही जेन ला फिरले करे जा सकेअऊ सब्बो के सुभीता केहोय. दुखियार लोगन मन केबात ला सुने बरकम से कम सलाहकारहोय ला चाही. वोह कहिथे, “जब खेती केचिंता बढ़थे, त ये हसमाजिक चिंता ला बढ़ाथे अऊदिमागी सेहत उपर असरडारथे.” येकरे सेती, चौबीसों घंटा फोन लाइनहोय ले चरम प्रतिक्रिया लाटाले मं मदद मिलथे,” वो ह कहिथे.

हेगन्नाजहां तक ले होसकथे, संबंधित जिला के कलेक्टरअऊ स्टेट लाइन विभाग केअफसर मन ले संपर्ककरथे अऊ किसान मनला सरकारी मदद दिलवाय बरसरकार जाथे. कतको अफसर मददकरथें. ओकर बाद घलो, वो ह कहिथे, जुवाबकाफी नइ ये.हमनला ये काम लातेजी ले आगू बढ़ायके जरूरत हवय.”

हेगन्नाकहिथे, “ये बछर केसुरु मं, नांदेड़ मेंएक बाप-बेटा केआत्महत्या के खबर हमोला झकझोर दीस. मंय बिचारकरेंय के ये हेल्पलाइन राज भर बरहोय ला चाही, अऊहमन अपन मूल ठीहापुणे ला बना लेन.”

बीतेबछर, एक झिन बड़ेदानदाता ह वोला पुणेमं एक ठन सेंट्रलाइज्डसिस्टम मं जाय मंमदद करिस, जेन ला पूरामहाराष्ट्र मं बढ़ाय जायसकही. साल 2023 ले, जइसने-जइसनेबदलत मऊसम खराब होयहवय, वोला लगिस केअवेइय्या बिपत सूखा लेकहूँ जियादा जटिल होही. बड़ेपइमाना मं काम, टेक्नोलॉजीअऊ सेंट्रलहब मदद करही. सितंबर 2025 मं ये बात सहीसाबित होइस.

ओकरबाद घलो- अब तक - जलवायु नीति के प्रतिक्रिया मन मं दिमागीइलाज नजर नइ आवय. हेल्पलाइन मं अवेइय्या हज़ारोंफोन, सैकड़ों लोगन के परानबचे के मामला – येबात के सबूत आयके जब अनदेखी करेजाथे त काय होथे. हेगन्ना ला आस हवयके समाज येला एकठन ज़रूरी नीति बनाय केरूप मं देखही.

वोह आगू कहिथे, “होसकथे तोर खेत तुरतेखेती लइक नइ रहिजाय, फेर तुमन अपनआप ला संभाल सकथोअऊ फिर ले जिनगीला गढ़ सकथो.

वोमन बर, शिवार हेल्पलाइनह सिरिफ मदद नइ करय, फेर बदलत मऊसम केहिसाब से लोगन मनला तियार घलो करथे, जइसनेके ये बरसा मंपहिली कभू नइ आयबाढ़ के बखत अऊओकर बाद देखे लामिलिस.

हेगन्नाकहिथे, “बेर बूड़े केबाद फोन मं जबबनेच बखत चुप होजाथें,” अऊ वो हकुछेक घड़ी रुके केबाद कहिथे, “त तंय समझजा के वो मइनखेमदद अऊ आस लाजोहत हवय.”

(सब्बोकार्यकर्ता अऊ फोन करेइय्यामन के नांव बदलदे गे हवंय.)

गरतंय आत्महत्या के बिचार करतहस धन कोनो आनेदिक्कत हवय, त बिनतीहवय के किरण, नेशनलहेल्पलाइन मं 1800-599-0019 (24/7 टोल फ्री) मंफोन करव, धन अपनतीर के ये मनले कोनो घलो हेल्पलाइन मं फोन करव.

पारीके बदलत मऊसम अऊदिमागी सेहत उपर देशव्यापीकड़ी ला मारीवाला हेल्थइनिशिएटिव के सहयोग मिलेहवय. ये कड़ी देस (भारत) के गाँव-शहरमं रहेइय्या गाँव के लोगनमन के दिमागी अऊसब्बो सेहत, वो मन केजीविका उपर बदलत मऊसमके परत असर केजाँच-पड़ताल करे जाही .

अनुवाद: निर्मल कुमार साहू