P. Sainath

Qamar Siddique

Translator

large_dsc01103.jpg

medium_dsc01103.jpg

small_dsc01103.jpg

thumbnail_dsc01103.jpg

dsc01103.jpg

اس نے کہا، ’’اچھا، تو فوٹو کھینچ رہے ہو؟
ٹھیک ہے، کھینچ لو اور یہ تصویریں ممبئی میں بِٹّو سہگل کو دے دینا۔‘‘ سہگل ’سینکچوری
میگزین‘ کے ایڈیٹر ہیں۔ شراب کے نشہ میں مدہوش اس آدمی کو لگا تھا کہ میں جانوروں
پر کیے جا رہے ظلم کی تصویریں کھینچ رہا ہوں۔ حالانکہ، وِدربھ کے چندرپور ضلع میں
یہ بات چیت کیسے ہو سکتی تھی، یہ ایک راز ہے۔ ہو سکتا ہے کہ اس آدمی نے ممبئی میں کبھی
کام کیا ہو۔ یہ بھی ہو سکتا ہے کہ ’سینکچوری‘ کی ٹیم نے حالیہ دنوں میں اس جنگلاتی
علاقہ میں کام کیا ہو۔ وہ آدمی بڑی بے ترتیبی سے یہ سب بیان کر رہا تھا۔ کچھ دیر
بعد، اس شخص نے ہم دونوں کو ایک طرح سے بے بس کر دیا۔ اس کے بعد مجھے اس سے مزید
سوالات کرنے کی خواہش نہیں رہی۔

dsc01100.jpg

دیلان واڈی میں ’شنکرپٹ‘ یا کارنیوال (میلہ)
اپنے شباب پر تھا۔ ظاہر ہے، اس میلہ میں سب سے خاص چیز بیل گاڑیوں کی دوڑ تھی، جس
پر سب کی نظریں مرکوز تھیں۔ ہم اس تذبذب میں مبتلا تھے کہ اسے دوڑ کہنا چاہیے یا
پھر رفتار کا مقابلہ۔ تمام بیل گاڑیوں کو میدان میں ایک ساتھ کھڑا نہیں کیا جا
سکتا تھا۔ اس کے لیے دوڑ والا راستہ اتنا چوڑا نہیں تھا۔ ایک بار میں زیادہ سے
زیادہ دو ہی بیل گاڑیوں کو جگہ مل سکتی تھی، جنہیں ایک کلومیٹر تک دوڑنا ہوتا تھا۔
وہ بھی اس لیے کہ کئی دہائیوں سے ان بیل گاڑیوں کے دوڑنے سے میدان میں دو ’راستے‘
بن گئے تھے۔ حالانکہ، زیادہ تر، صرف ایک ہی بیل گاڑی ہوتی تھی، جس پر دو بیل بندھے
ہوتے تھے اور ایک بار میں ایک ہی آدمی انھیں دوڑاتا تھا۔

dsc01101.jpg

یہ اس قسم کی دوسری دوڑ کے مناظر سے بالکل
الگ ہے، کیوں کہ اسے دیکھنے والے چاروں طرف موجود تھے، یہاں تک کہ راستے کے بیچ
میں بھی، ان میں سے کچھ تو تیزی سے دوڑتے ہوئے بیلوں کو دیکھنے کے لیے پگڈنڈیوں کو
پار کرنے میں بھی لگے ہوئے تھے۔ لیکن کوئی حادثہ نہیں ہوا۔ کسی چونکانے والے کرتب
باز کی طرح بیچ راستے میں کونے والے ایسے شرارتی لوگوں کو آگاہ کرنے کے لیے، وہاں
موجود ناظرین زور زور سے چلّانے لگتے تھے۔ لیکن بیل گاڑی کو دوڑانے والے آدمی پر
کوئی فرق نہیں پڑتا اور وہ اپنی رفتار ذرا بھی کم نہیں کرتا تھا۔ حالانکہ نوجوانوں
کے بہت سے ایسے گروپ تھے، جو اپنے ’ہیرو‘ کی حوصلہ افزائی کرنے کے لیے خطرناک طریقے
سے دوڑ والے راستے کے بالکل قریب پہنچ گئے تھے۔ کم ہنگامہ مچانے والے لوگ تھوڑی
دور، کسی محفوظ جگہ پر بیٹھے ہوئے تھے۔ ان میں سے کچھ لوگ پُوال سے لدی بیل گاڑی
کے بالکل اوپر بیٹھ کر اس نظارہ کو دیکھ رہے تھے، گویا کسی ڈریس سرکل یا بالکونی میں
بیٹھے ہوں۔ باقی لوگ میلہ میں ادھر ادھر گھوم رہے تھے، سامان خرید رہے تھے، لیکن
جب انہیں بیل گاڑی کی دوڑ دیکھنے والوں کی طرف سے کوئی شور سنائی دیتا، تو وہ بھی
ادھر متوجہ ہو جاتے۔

dsc01158.jpg

یہ روزانہ کی بیل گاڑیاں نہیں ہیں، بلکہ
دوڑ میں حصہ لینے والی بیل گاڑیاں ہیں۔ بہت چھوٹی، تسلی بخش، کچھ حد تک ہلکی اور حیرت
انگیز رفتار کے قابل۔ دوڑ میں حصہ لینے والے سبھی لوگ الگ الگ عمر اور سائز کے
تجربہ کار کسان ہیں۔ ایک آدمی تو ضرور ۶۰ سال کے آس پاس کا رہا ہوگا۔ لیکن یہاں پر
عمر کی کوئی حد نہیں ہے۔ حد صرف دوڑ کی مقرر کی گئی ہے۔ انہیں باقاعدہ کوئی
’انعام‘ نہیں دیا جاتا، حالانکہ بعض لوگوں کا کہنا ہے کہ انھیں کچھ ’تحائف‘ ضرور
دیے جاتے ہیں۔ یہ لوگ اپنی شان کے لیے دوڑ میں حصہ لیتے ہیں۔

جب ہم میدان میں پہنچے، تو یہ لوگ دوڑ کی تیاری
کر رہے تھے۔ اپنی بیل گاڑیوں کو چیک کرنے اور بیلوں کو کھلانے پلانے میں مصروف
تھے۔ بعض عمدہ قسم کے مویشی کھونٹے سے بندھے ہوئے تھے، جنہیں کسی اور کام میں
استعمال کیا جانا تھا۔ دوڑ میں حصہ لینے والے بیل بغیر جھالر والے تھے، جنہیں ایک
کنارے پر جمع کیا گیا تھا، جہاں وہ اپنے نتھنے پھلانے میں مصروف تھے۔ ڈھول بجانے
والے نے دوڑ کے آغاز کا اعلان کیا۔ دوڑ ختم ہونے کے بعد ڈھول بجانے والے یہ لوگ
بھی اسی جگہ واپس آ جاتے ہیں، جہاں سے دوڑ کی شروعات ہوتی ہے۔ دوڑ میں حصہ لینے والے
لوگ جب اپنی بیل گاڑیوں کو بیل کے بغیر واپس لاتے ہیں تو اکثر ان کے چھوٹے بیٹے انہیں
کھینچ کر لے جاتے ہیں۔

dsc01129.jpg

بیل گاڑیوں کے تیزی سے گزرنے پر شور کی
آواز بڑھ جاتی ہے اور دوڑ کی رفتار مزید تیز ہو جاتی ہے۔ میرے خیال سے اس نے بھی
ایسا ہی کیا۔ اس نے اپنی رفتار سے ہم سب کو چونکا دیا۔ دوڑ میں حصہ لینے والا، جو
پتوار کی طرح ایک ہاتھ سے بیل کی پونچھ پکڑے ہوا ہے اور دوسرے ہاتھ سے اُس وقت کسی
اور چیز کے مقابلے خود اپنا توازن برقرار رکھنے کے لیے ایک چھڑی پکڑے ہوا ہے، تیزی
سے بھاگا۔ یہ کہنا مشکل تھا کہ کس پر کنٹرول کیا جا رہا ہے، آدمی پر یا جانور پر۔
سامعین نے تالیاں بجانی شروع کر دیں۔ اڑنے والی غبار سے ہمارے کیمرے ڈھک گئے۔
شرابی نے ہماری نااہلی پر ایک گھٹیا سا فقرہ کسا۔ ’سیکورٹی‘ والے، لوگوں کو راستے
سے ہٹانے کے لیے خود بیچ میں آ گئے اور ہمیں معنی خیز نظروں سے دیکھنے لگے۔ انہوں
نے کہا کہ ہماری بھی فوٹو لے لو۔ لہٰذا ہم نے ان کی بھی تصویریں کھینچ لیں۔

dsc01125.jpg

دریں اثنا، ایک زوردار چیخ نے ہمیں آگاہ
کیا کہ دوڑ لگانے والا اگلا آدمی ہم سے کچھ ہی میٹر کے فاصلے پر ہے اور تیزی سے ہماری
طرف بڑھ رہا ہے۔ ہمارے ساتھ ہی سیکورٹی والے بھی گھبرا کر ادھر ادھر بھاگے، بالکل
صحیح وقت پر، اور بیل گاڑی وہاں سے تیزی سے گزر گئی۔ سوار اپنی پوری توانائی کے
ساتھ بیل گاڑی چلا رہا تھا۔ مجمع پھر قریب آ گیا۔ سیکورٹی والوں نے دوبارہ ان
لوگوں کو راستے سے ہٹایا، لیکن وہ پھر اپنی تصویر کھنچوانے کے لیے راستے کے بیچ
میں آ گئے۔

dsc01096.jpg

اگلی دوڑ کافی اہم تھی، اور بیل گاڑی کو
دوڑانے والا بھی زبردست تھا۔ یہ ۶۰ سال کے ایک کسان تھے۔ مجمع کے اچھے برتاؤ سے
پرجوش ہو کر، اِس دفعہ میں کافی قریب جاکر کھڑا ہو گیا، تاکہ اُس آدمی کے چہرے کی
تصویر قریب سے اور صاف صاف لے سکوں۔ تبھی اس شرابی نے حرکت کی۔ بہت زیادہ شور ہونے
کی وجہ سے میں دیکھ نہیں پایا کہ وہ میرے گھٹنے کے بالکل پیچھے جھکا ہوا ہے۔ میں
نے ایک قدم پیچھے ہٹایا اور اس شرابی کے اوپر گرتے گرتے بچا۔ اس سے بچنے کے لیے
اگر میں ذرا بھی آگے بڑھتا، تو اس کا مطلب یہ تھا کہ میں بیل گاڑی سے چند ہی ملی
میٹر کے فاصلے پر ہوتا اور مویشیوں کی سانس تک محسوس کر سکتا تھا۔ اور ہاں، میں نے
دوڑ لگانے والے کا چہرہ قریب سے دیکھ ہی لیا، اس سے بھی کہیں زیادہ قریب سے جتنا
کہ میں چاہتا تھا۔

dsc01117.jpg

مجمع نے ہر ایک کا شکریہ ادا کیا۔ شرابی نے
زخمی حالت میں میری طرف دیکھا۔ میں نے اس احساس کے ساتھ اسے دیکھا کہ ’فرنٹ
لائن‘ کا ایڈیٹر اسے شائع نہیں کرے گا۔ دوڑ لگانے والا پوری طرح سے غبار میں
ڈوبا ہوا تھا۔ غبار کو بیٹھنے میں تھوڑا وقت لگا: میں تقریباً ان لوگوں میں شمار
ہونے سے بال بال بچا، جو اپنے اوپر بیل گاڑی گزر جانے سے موت کے شکار ہو جاتے ہیں۔
دوڑ میں۔ میں نے بیل گاڑی کی دوڑ لگانے والی لائن سے خود کو پیچھے کھینچ لیا تھا،
لیکن میری طرف کا پہیہ میرے کینوس کے جوتے کو چھوتے ہوئے گزر گیا۔ آخری دو تصویریں
ارادتاً نہیں بلکہ اتفاقی تھیں۔

dsc01091.jpg

دوڑ میں حصہ لینے والے کچھ ایسے لوگ بھی
تھے جنہوں نے اپنا کنٹرول کھو دیا تھا۔ ظاہر ہے، ایسا تب ہوتا ہے جب کوئی مضبوط
جانور کوئی دوسرا راستہ پکڑ لے۔ اور جب سوار اُس باغی جانور کو قابو میں نہ کر
پائے۔ ایسا ہی ایک جانور متعینہ راستے سے الگ ہو گیا اور پُوال سے لدی ہوئی بیل
گاڑی سے ٹکرانے ہی والا تھا کہ اس کے اوپر بیٹھے ہوئے سامعین آگاہ ہو گئے۔ دوسرا
اپنا راستہ چھوڑ کر مجمع میں گھس گیا، جسے روکنے کے لیے دوسروں کی مدد کی ضرورت
پڑی۔

dsc01083.jpg

دریں اثنا، سامان بیچنے والوں، عارضی دُکانوں،
چھوٹے موٹے مصنوعی زیورات اور کرشمائی جڑی بوٹیاں بیچنے والوں نے اچھی کمائی کی۔ دوڑ
لگانے والوں نے گاڑیوں سے بیلوں کو کھول دیا۔ وہ شرابی لڑکھڑاتا ہوا سورج ڈوبنے کی
سمت میں کہیں گم ہو گیا۔ اور ہم بھی، ایک بڑے مجمع کے ساتھ باہر کی طرف نکلنے لگے۔
میلہ ختم ہو چکا تھا۔

dsc01157.jpg

یہ مضمون ۹ مارچ، ۲۰۰۷ کو سب سے پہلے ’فرنٹ
لائن‘ میں شائع ہوا تھا۔

مترجم: محمد قمر تبریز

بیل گاڑی کی دوڑ کا نظارہ کرتے ہوئے ایک دن

ପ୍ରତିଯୋଗିତାରେ ଦିନଟିଏ

A day at the races

গরুর গাড়ির দৌড়ে একটা গোটা দিন

பந்தையத்தில் ஒரு நாள்

Jalka

At present, we can only accept donations in Indian rupees by Indian citizens. All donations made to the CounterMedia Trust are eligible for exemption under Section 80G of the Income Tax Act, 1961. Here is a copy of our exemption certificate.


India is bigger than New Delhi. And people need to know more about the rest of this vast nation.


Younger, media-saturated generations are growing up knowing little about their country, but a lot about the elites of a few metros and towns. For a narrowly-owned, commercially-driven media, the dumbing down of a nation is part of standard operating procedure. The last available data of the Centre for Media Studies (CMS, Delhi) show us that reports from New Delhi account for 66 per cent of news on the front pages of major dailies. The CMS data also found that just about 0.24 per cent of front page news came out of rural India. The TV channels are not much better.PARI exists to change that.We are a non-profit organisation. We publish under creative commons, and do not charge readers a subscription fee or put-up advertisements. Nothing is behind a paywall and we are completely free-to-access by anyone. We guard our independence and receive no direct grants from governments and corporations, nor any funding that could dictate our content. So, we are dependent on volunteer labour, donations from individuals, foundations and institutions that see value in independent and free media.PARI is changing the way Indian journalism reports and documents the rural.India is more than the elite of a few metros and towns. We report on rural lives and livelihoods, languages, communities, migrants and more. We need your help to pull off this most ambitious of Indian journalistic endeavours. The scale of this effort costs money. Donate generously - and spread the word about PARI.&nbsp;

Donate FAQs


Let’s get you acquainted

Welcome to PARI

All our content is, and will forever be free to consume. If you enjoy our work, you can support us by becoming a volunteer or by donating to help fund our work.

Want to republish this article? Please write to <a href="mailto:zahra@ruralindiaonline.org" target="_blank" rel="noopener noreferrer">zahra@ruralindiaonline.org</a> with a cc to <a href="mailto:namita@ruralindiaonline.org" target="_blank" rel="noopener noreferrer">namita@ruralindiaonline.org</a>

بیل گاڑی کی دوڑ کا نظارہ کرتے ہوئے ایک دن

Related stories

کُشتی: سیکولر اور اتحاد پسند

کپاس کے کھیتوں سے پیرالمپکس تک

بیل گاڑی کی دوڑ کا نظارہ کرتے ہوئے ایک دن

میرٹھ میں کوئی فری کِک نہیں

سمندری موجوں سے آئی تبدیلی

سوشل کمینٹری کی کُشتی کی آواز

دیہی اقتصادیات کے ساتھ کُشتی

رانی جب حملہ کرتی ہے: ایک کیرم چمپئن کی کہانی

کُشتی کے میدان میں قسمت آزماتی لڑکیاں

بَستَر میں توازن بنانا بچوں کا کھیل ہے

کولہاپور: پہلوانوں کو نہیں مل رہا پیٹ بھر کھانا

عثمان آباد: وبائی مرض نے کھلاڑیوں کو میدان سے دور کر دیا

شیرنگ بھوٹیا: پاک یونگ کے تیر و کمان ساز

’مجھے ہندوستان کے لیے دوبارہ کھیلنے کا موقع کبھی نہیں ملا‘

کمان بنانے والے شیرنگ بھوٹیا کا جنون

گولڈ میڈل جیتنے کا خواب پورا کرنے کی تیاری

اگرتلہ کے میلہ میں موت کا کنواں

پنجاب کے گاؤوں کی خواتین ایتھلیٹوں کی جدوجہد

کبڈی کا گاؤں نول گہوان