୧୫ ଅଗଷ୍ଟ, ୧୯୪୭ରେ ସାରା ଦେଶ ଯେତେବେଳେ ଭାରତର ସ୍ୱାଧୀନତାକୁ ଉପଭୋଗ କରୁଥିଲା, ମଲ୍ଲୁ ସ୍ୱରାଜ୍ୟମ ଏବଂ ତାଙ୍କର ବିପ୍ଳବୀ ସାଥୀମାନେ ତେଲଙ୍ଗାନାରେ ହାଇଦ୍ରାବାଦ ନିଜାମଙ୍କ ସଶସ୍ତ୍ର ବାହିନୀ ଏବଂ ପୋଲିସ୍ ସହ ସଂଘର୍ଷ ଜାରି ରଖିଥିଲେ। ଏ ଭିଡିଓରେ ରହିଛି ସେହି ସାହସୀ ଯୋଦ୍ଧାଙ୍କ ଝଲକ ଯିଏକି ୧୯୪୬ରେ ମାତ୍ର ୧୬ ବର୍ଷ ବୟସରେ ସଂଗ୍ରାମ କରିଥିଲେ । ସେତେବେଳେ ତାଙ୍କ ମୁଣ୍ଡ ଉପରେ ୧୦,୦୦୦ ଟଙ୍କାର ପୁରସ୍କାର ରାଶି ରହିଥିଲା। ତତ୍କାଳୀନ ସମୟରେ ଏତିକି ପରିମାଣର ଟଙ୍କାରେ ଆପଣ ୮୩,୦୦୦ କିଲୋଗ୍ରାମ ଚାଉଳ କିଣି ପାରିଥାନ୍ତେ।
ଯୋଦ୍ଧା ଜଣଙ୍କ ଯେତେବେଳେ ୮୪ ବର୍ଷ ଏବଂ ଏହାପରେ ୯୨ ବର୍ଷ ବୟସରେ ଉପନୀତ ହୋଇଥିଲେ, ଏ ଭିଡିଓ ସେ ସମୟର । ଚଳିତ ବର୍ଷ ମାର୍ଚ୍ଚ ୧୯ ତାରିଖରେ ଏ ମହାନ ସ୍ୱାଧୀନତା ସଂଗ୍ରାମୀଙ୍କ ପରଲୋକ ଘଟିଥିଲା। ତାଙ୍କୁ ସମ୍ମାନ ଜଣାଇବା ଲାଗି ଆଜି, ଅଗଷ୍ଟ ୧୫, ୨୦୨୨ରେ ଆମେ ଏ ଭିଡିଓ ଆପଣଙ୍କ ପାଇଁ ନେଇ ଆସିଛୁ । ପରୀର ପ୍ରତିଷ୍ଠାତା-ସମ୍ପାଦକ ପି. ସାଇନାଥଙ୍କ ଆଗାମୀ ପୁସ୍ତକ, ‘ଦ ଲାଷ୍ଟ ହିରୋଜ୍ : ଫୁଟସୋଲଜର୍ସ ଅଫ ଇଣ୍ଡିଆନ୍ ଫ୍ରିଡମ୍’ ପେଙ୍ଗୁଇନ ଇଣ୍ଡିଆ ଦ୍ୱାରା ଆସନ୍ତା ନଭେମ୍ବରରେ ପ୍ରକାଶ ପାଇବ, ଏଥିରେ ଆପଣ ମଲ୍ଲୁ ସ୍ୱରାଜ୍ୟମଙ୍କ ସମ୍ପୂର୍ଣ୍ଣ କାହାଣୀ ପଢ଼ିପାରିବେ।
ଅନୁବାଦ : ଓଡ଼ିଶାଲାଇଭ୍
