ବଡ଼ ବଡ଼ ମହାନଗରରୁ ପ୍ରବାସୀ ଲୋକଙ୍କ ପ୍ରସ୍ଥାନ ନେଇ ସବୁ ଗଣମାଧ୍ୟମରେ ଖବର ପ୍ରକାଶ ପାଉଥିବା ବେଳେ ଛୋଟ ସହର ଏପରିକି ଗ୍ରାମାଞ୍ଚଳର ଆଭ୍ୟନ୍ତରୀଣ ଇଲାକାର ସମ୍ବାଦିକମାନେ ଫେରି ଆସୁଥବା ଶ୍ରମିକମାନଙ୍କ ଅସୁବିଧା ଉପରେ ଆଲୋକପାତ କରିବା ପାଇଁ ଯଥାସାଧ୍ୟ ଚେଷ୍ଟା କରୁଛନ୍ତି। ସେମାନଙ୍କ ମଧ୍ୟରେ ବିଳାସପୁରର ଜଣେ ବରିଷ୍ଠ ଫଟୋ ସାମ୍ବାଦିକ ସତ୍ୟପ୍ରକାଶ ପାଣ୍ଡେ ହେଉଛନ୍ତି ଜଣେ ସମ୍ବାଦିକ ଯିଏ କି  ଦୂର ଦୂରାନ୍ତରୁ ଦୁଃଖର ସହ ଫେରୁଥବା ପ୍ରବାସୀ ଲୋକଙ୍କ ନିକଟରେ ପହଂଚିବା ସହ ସେମାନଙ୍କ ଖବର ସଂଗ୍ରହ କରୁଛନ୍ତି। ଏହି ରିପୋର୍ଟରେ ତାଙ୍କ ଫଟୋରେ ଥିବା ବ୍ୟକ୍ତିମାନେ ଛତିଶଗଡ଼ର ରାୟପୁରରୁ ଝାଡ଼ଖଣ୍ଡର ଗରୱା ଜିଲ୍ଲାର ବିଭିନ୍ନ ଗ୍ରାମକୁ ଫେରୁଥିବା ପ୍ରାୟ ୫୦ ଜଣ ଶ୍ରମିକଙ୍କ ଗୋଷ୍ଠୀ ରହିଛନ୍ତି।

ରାୟପୁର ଏବଂ ଗରୱା ମଧ୍ୟରେ ଦୂରତା ହେଉଛି ୫୩୮ କିଲୋମିଟର

ସେ କୁହନ୍ତି, “ସେମାନେ ପାଦରେ ଚାଲି ଚାଲି ଆସିଥିଲେ।” “ସେମାନେ ୨-୩ ଦିନ ମଧ୍ୟରେ ୧୩୦ କିଲୋମିଟର (ରାୟପୁର ଏବଂ ବିଳାସପୁର ମଧ୍ୟରେ ଦୂରତା) ଅତିକ୍ରମ କରିସାରିଛନ୍ତି। ଏବଂ ଆଗାମୀ ୨ରୁ ୩ଦିନ ମଧ୍ୟରେ ସେମାନେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବେ ବୋଲି ବିଶ୍ୱାସ ରଖିଛନ୍ତି।” (ସତ୍ୟପ୍ରକାଶଙ୍କ ଏକ ଫେସବୁକ୍ ପୋଷ୍ଟ ସେମାନଙ୍କ ଦୁଃଖ ପାଇଁ ଦୃଷ୍ଟି ଆକର୍ଷଣ କରିଥିଲା ଏବଂ ଏହାର ପ୍ରତିକ୍ରିୟାରେ କର୍ମକର୍ତ୍ତାମାନେ ଅମ୍ବିକାପୁରରୁ ଆଗକୁ ସେମାନଙ୍କ ପରିବହନ ବ୍ୟବସ୍ଥା ପାଇଁ ଜିଲ୍ଲା ପ୍ରଶାସନ ସହ ଯୋଗାଯୋଗ କରିଥିଲେ। ସେମାନେ ଘରକୁ ଯିବାପାଇଁ ଦୃଢ଼ ନିଷ୍ପତ୍ତି ନେଇଛନ୍ତି, ଏପରିକି ଏହି ଯାତ୍ରା ପାଦରେ ଚାଲି ଚାଲି ଶେଷ କରିବାକୁ ହେଲେ ମଧ୍ୟ ସେମାନେ ଏହା କରିବେ ବୋଲି ମନେହେଉଛି) ।

ଫେରୁଥିବା ଶ୍ରମିକମାନଙ୍କ ମଧ୍ୟରୁ ଜଣେ, ରାଫିକ୍ ମିଆଁ ତାଙ୍କୁ କହିଥିଲେ: “ସାର୍, ଏହି ଦେଶରେ ଦାରିଦ୍ର୍ୟ ଏକ ଅଭିଶାପ।”

ପ୍ରଚ୍ଛଦ ଫଟୋ: ସତ୍ୟପ୍ରକାଶ ପାଣ୍ଡେ ହେଉଛନ୍ତି ବିଳାସପୁରର ଜଣେ ବରିଷ୍ଠ ସାମ୍ବାଦିକ ତଥା ବନ୍ୟଜୀବ ଫଟୋଗ୍ରାଫର ।

PHOTO • Satyaprakash Pandey

ସେମାନେ ୨-୩ ଦିନ ମଧ୍ୟରେ ୧୩୦ କିଲୋମିଟର (ରାୟପୁର ଏବଂ ବିଳାସପୁର ମଧ୍ୟରେ ଦୂରତା) ଅତିକ୍ରମ କରିସାରିଛନ୍ତି।

ଅନୁବାଦ: ଓଡ଼ିଶାଲାଇଭ୍‍

ଓଡ଼ିଶାଲାଇଭ୍: ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

Purusottam Thakur

ପୁରୁଷୋତ୍ତମ ଠାକୁର ୨୦୧୫ ର ଜଣେ ପରି ଫେଲୋ । ସେ ଜଣେ ସାମ୍ବାଦିକ ଏବଂ ପ୍ରାମାଣିକ ଚଳଚ୍ଚିତ୍ର ନିର୍ମାତା । ସେ ବର୍ତ୍ତମାନ ଅଜିମ୍‌ ପ୍ରେମ୍‌ଜୀ ଫାଉଣ୍ଡେସନ ସହ କାମ କରୁଛନ୍ତି ଏବଂ ସାମାଜିକ ପରିବର୍ତ୍ତନ ପାଇଁ କାହାଣୀ ଲେଖୁଛନ୍ତି ।

Other stories by Purusottam Thakur