ରାଜୁ ଚୌଧୁରୀ କହିଲେ, ‘‘ବଞ୍ଚି ରହିବା ପାଇଁ ଆମକୁ ବହୁରୂପୀ ହେବାକୁ ପଡୁଛି। ଚାଷ କରିବା ପାଇଁ ଆମ ପାଖରେ କୌଣସି ଚାଷ ଜମି ନାହିଁ ।’’ ତାଙ୍କ ପରି ବହୁମୁଖୀ କଳାକାରମାନେ ମଞ୍ଚରେ ବିଭିନ୍ନ ପ୍ରକାରର ଧାର୍ମିକ ଓ ପୌରାଣିକ ଚରିତ୍ରରେ ଅଭିନୟ କରିଥାନ୍ତି ।
ଏହି ଫିଲ୍ମ ଚୌଧୁରୀ ପରିବାର ଉପରେ ପର୍ଯ୍ୟବସିତ। ତାଙ୍କ ପରିବାରରେ ବାପା ମା’ ଏବଂ ପିଲାମାନେ ସମସ୍ତେ ହେଉଛନ୍ତି ବହୁରୂପୀ। ସେମାନେ ବୀରଭୂମୀ ଜିଲ୍ଲାର ବିଶାୟପୁର ଗାଁର ବାସିନ୍ଦା ହୋଇଥିବା ବେଳେ କିଛି ଦୃଶ୍ୟରେ ଅଭିନୟ କରିବା ଲାଗି ବିଭିନ୍ନ ଗାଁ ଓ ସହରକୁ ବେଶ୍ କିଛି ସମୟ ଧରି ଯାତ୍ରା କରିଥାନ୍ତି ।
ଏକଦା ଜନପ୍ରିୟ ଥିବା ଏହି ଲୋକକଳା ଏବେ ଗ୍ରାମୀଣ ପଶ୍ଚିମବଙ୍ଗରୁ ହଜିବାକୁ ବସିଲାଣି। ଏହି କଳାକୁ ଅଭ୍ୟାସ କରୁଥିବା ଲୋକମାନେ ସେମାନଙ୍କର ପ୍ରଦର୍ଶନରୁ ପିଢ଼ି ପରେ ପିଢ଼ି ଖୁବ୍ କମ୍ ପରିମାଣର ଅର୍ଥ ରୋଜଗାର କରୁଥିଲେ। କିନ୍ତୁ ଏବେ ଦର୍ଶକମାନେ ମନୋରଞ୍ଜନର ଅନ୍ୟ ମାଧ୍ୟମକୁ ପସନ୍ଦ କରୁଥିବାରୁ ବହୁରୂପୀ ପରିବାରର ଯୁବପିଢ଼ି ବାଧ୍ୟ ହୋଇ ଏହି ବୃତ୍ତି ଛାଡୁଛନ୍ତି। ଚୌଧୁରୀଙ୍କ ପରି ଅନେକ ଲୋକଙ୍କ ନିକଟରେ ଜୀବନଧାରଣ କରିବାର ଅନ୍ୟ ମାଧ୍ୟମ ନାହିଁ ।
ଚିଦାମ ଚୌଧୁରୀ ତାଙ୍କ ବାପା ରାଜୁଙ୍କ ସହାୟତାରେ ଜଣେ ବହୁରୂପୀ ପ୍ରଦର୍ଶନକାରୀଙ୍କର ବିସ୍ତୃତ ମେକ୍ ଅପ୍ କରୁଛନ୍ତି ।
ମାଲା ଚୌଧୁରୀ ଗୋଟିଏ ପରିବାରର ଷ୍ଟାର୍ ପ୍ରଦର୍ଶନକାରୀ ଯାହାକି ଏବେ ମଧ୍ୟ ଜୀବନଧାରଣ ପାଇଁ ଏହି କଳା ଉପରେ ନିର୍ଭର କରୁଛି
ଏଠାରେ ପ୍ରଦର୍ଶିତ ହୋଇଥିବା ଫିଲ୍ମର ଏକ ସଂସ୍କରଣ ଅଙ୍କନ ରୟ(କ୍ୟାମେରା) ଏବଂ ସାଗରିକା ବାସୁ(ଏଡିଟିଂ)ଙ୍କ ଦ୍ୱାରା ୨୦୧୫ରେ ନିର୍ମାଣ ହୋଇଥିଲା । ବିଶ୍ୱଭାରତୀ ବିଶ୍ୱବିଦ୍ୟାଳୟ, ଶାନ୍ତିନିକେତନରେ ପଢୁଥିବା ସମୟରେ ସେମାନଙ୍କର ପ୍ରାମାଣିକ ଚଳଚ୍ଚିତ୍ର ପ୍ରକଳ୍ପ ରୂପେ ଏହା ନିର୍ମିତ ହୋଇଥିଲା ।
ଅନୁବାଦ: ଓଡ଼ିଶାଲାଇଭ୍
