ପଶ୍ଚିମବଙ୍ଗର ବାଙ୍କୁରା ଜିଲ୍ଲା ଅନ୍ତର୍ଗତ ପଞ୍ଚମୁରା ଗ୍ରାମର ତୃତୀୟ ପିଢିର କୁମ୍ଭାର, ବୁଦ୍ଧଦେବ କୁମ୍ଭକାର, ତାଙ୍କ କାମ ଓ ଜୀବନ ବିଷୟରେ କହିଛନ୍ତି । ଏହି କ୍ଷେତ୍ରର କୁମ୍ଭାର ନିଜର ଲାଲ୍‌ଟେରାକୋଟା ଘୋଡା ପାଇଁ ପ୍ରସିଦ୍ଧ।

ଏହି ଫିଲ୍ମରେ ଆପଣ ବୁଦ୍ଧଦେବଙ୍କ ନିୟମିତ କାର୍ଯ୍ୟ ଦିବସର କାର୍ଯ୍ୟନିର୍ଘଣ୍ଟ ଓ କଠୋରତା ଦେଖିପାରିବେ- ଏକ ନିର୍ଦ୍ଦିଷ୍ଟ ଛିଟାର କାଦୁଅ ମାଟି ପାଇବା ପାଇଁ ଖାତ ଖୋଳିବା, ପାଦରେ ତାହା ଚକୁଟିବା, ସେହି ମାଟି ଗୁଳାଗୁଡିକୁ ଘୋଡାର ବିଭିନ୍ନ ଅଂଶର ଆକାର ପ୍ରଦାନ କରିବା ଓ ତା’ପରେ ଦକ୍ଷ ଭାବେ ସେଗୁଡ଼ିକୁ ଏକତ୍ର କରିବା ଓ ଘୋଡ଼ାକୁ ସଜେଇବା । ତା’ପରେ ସେ ଭାଟିରେ ଘୋଡ଼ାକୁ ରଖି ତାହା ଲାଲ୍‌ହେବା ପର୍ଯ୍ୟନ୍ତ ପୋଡିଥାନ୍ତି ।

ପରବର୍ତ୍ତୀ ସମୟରେ ଏହି ଘୋଡ଼ାଗୁଡ଼ିକୁ ସେ ଏଜେଣ୍ଚମାନଙ୍କୁ ବିକ୍ରି କରିଦିଅନ୍ତି, ଯେଉଁମାନେ ଏସବୁକୁ କଲ୍‌କୋତା, ବାଙ୍କୁରା, ବିଷ୍ଣୁପୁର, ଦୁର୍ଗାପୁର ଓ ଏପରିକି ଦିଲ୍ଲୀରେ ଥିବା ବିଗ୍‌ବଜାରଗୁଡିକରେ ରଖିବା ପାଇଁ ସ୍ୱଳ୍ପ ପାରିଶ୍ରମିକ ଦେଇ କିଣିଥାନ୍ତି ।

କିନ୍ତୁ ମାସ ଶେଷରେ ବୁଦ୍ଧଦେବ କେବଳ ୩୦୦୦ଟଙ୍କା ଉପାର୍ଜନ କରିବାକୁ ସମର୍ଥ ହୁଅନ୍ତି ।


ଅନୁବାଦ: ଓଡ଼ିଶାଲାଇଭ୍‍

ଓଡ଼ିଶାଲାଇଭ୍: ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।