ଟିଫିନ୍‌ କ୍ୟାରିଅର୍‌, ପାଣି, ଛତା ଓ ପାଦଜୋତା । ଏସବୁ ଜିନିଷଗୁଡିକର ମାଲିକଙ୍କୁ ନଦେଖିପାରିଲେ ମଧ୍ୟ କେଉଁମାନେ ଏଗୁଡିକର ମାଲିକ ହୋଇଥିବେ, ସେ ବିଷୟରେ ଜାଣିପାରିବେ । ଏସବୁ ଦେଖି ଏହାର ଆଖପାଖ ଅଞ୍ଚଳରେ କିଛି କୃଷି ଶ୍ରମିକ କାର୍ଯ୍ୟରତ ଥିବା ଆପଣ ନିଶ୍ଚିତ ଭାବେ ଜାଣିପାରିବେ । ଏହା ହେଉଛି ଓଡିଶାର କୋରାପୁଟ ଜିଲ୍ଲା ଅନ୍ତର୍ଗତ ସିନ୍ଧେହି ଗ୍ରାମର ଦୃଶ୍ୟ । ଏହି ଶ୍ରମିକମାନେ, ଯେଉଁମାନଙ୍କ ମଧ୍ୟରେ ଅଧିକାଂଶ ମହିଳା ଓ ଯୁବତୀ ଅଛନ୍ତି, ସେମାନଙ୍କ କାର୍ଯ୍ୟସ୍ଥଳିରେ ପହଞ୍ଚିବା ପାଇଁ ନିଜ ପାଇଁ ଆବଶ୍ୟକ ସାମଗ୍ରୀ ( ଆହୁରି ଅଧିକ ଜିନିଷ ଯାହା ଛବିରେ ଦେଖାଯାଉନି) ଧରି ପଟାଙ୍ଗି ବ୍ଲକ୍‌ ଦେଇ ଲମ୍ବା ରାସ୍ତା ଚାଲି ଚାଲି ଆସିଛନ୍ତି । ଜୁଲାଇ ୨୦୧୪ର ଗୋଟିଏ ଦିନ ଓ ବର୍ଷା ଦିନ ଆରମ୍ଭ ହୋଇଗଲାଣି । ଏଣୁ ଛତା ସହିତ ଆସିଛନ୍ତି । ଆଉ ସେମାନଙ୍କ ରବର୍‌ ସ୍ଲିପର୍‌ଗୁଡିକ ଆଖପାଖରେ ପଡିରହିଛି କାରଣ ଏହି ଗରିବ ଶ୍ରମିକମାନଙ୍କ ପାଇଁ ସେମାନଙ୍କ ଏହି ପାଦଜୋତା ଦୁଇଟି ଅତ୍ୟନ୍ତ ମୂଲ୍ୟବାନ  ଓ କାମ କରିବା ବେଳେ ସେମାନେ ପ୍ରାୟତଃ ଏହାକୁ ପିନ୍ଧିବା ପାଇଁ ବା ଅପରିଷ୍କାର କରିବାକୁ ଚାହାନ୍ତି ନାହିଁ । ବେଳେବେଳେ କ୍ୟାରିଅର୍‌ରେ ଥିବା ଖାଦ୍ୟକୁ ତିନି ବା ଚାରି ଜଣ ଲୋକ ପରସ୍ପର ମଧ୍ୟରେ ବାଣ୍ଟି ଖାଇଥାନ୍ତି । ଏହାସହିତ ସବୁବେଳେ କାର୍ଯ୍ୟସ୍ଥଳରେ ଶୁଦ୍ଧ ପାନୀୟ ଜଳ ମଧ୍ୟ ଉପଲବ୍ଧ ହୁଏନାହିଁ – ଏହା ଏକ ଘରୋଇ ଫାର୍ମ ପରିପ୍ରେକ୍ଷୀରେ କୁହାଯାଉଛି- ଓ ଏଥିପାଇଁ ବୋଧହୁଏ ପ୍ଲାଷ୍ଟିକ ବୋତଲଗୁଡିକ ଅଛି । ବର୍ଷାଦିନିଆ ବୁଣାବୁଣି କାମ ଆରମ୍ଭ ହୋଇଯାଇଛି ।

ଅନୁବାଦ: ଓଡ଼ିଶାଲାଇଭ୍‍

ଓଡ଼ିଶାଲାଇଭ୍: ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

ପି.ସାଇନାଥ ପିପୁଲ୍ସ ଆର୍କାଇବ ରୁରାଲ ଇଣ୍ଡିଆର ସଂସ୍ଥାପକ ସମ୍ପାଦକ, ସେ କେଇ ଦଶକ ଧରି ଜଣେ ଗ୍ରାମୀଣ ସମ୍ବାଦଦାତା ଭାବରେ କାର୍ଯ୍ୟ କରିଛନ୍ତି ଏବଂ ସେ ‘ଏଭ୍ରିବଡି ଲଭ୍ସ ଏ ଗୁଡ୍ ଡ୍ରଟ୍’ର ଲେଖକ।

Other stories by P. Sainath