ଗୋଟିଏ ଛେଳି ଓ ତାର ମାସକର ଛୁଆକୁ ଧରି ହାଟରେ କିଣାଳିଙ୍କୁ ଅପେକ୍ଷା କରିଥିଲେ ବିଠବ ଯାଦବ। ଏ ହେଉଛି ସତାର ଜିଲ୍ଲା ମନ ତାଲୁକର ମହସ୍ୱାଦ ସହରର ଛେଳି ବଜାର। ଗୋଟିଏ ପାସେଞ୍ଜର ଜିପ୍ରେ ଛେଳିଙ୍କୁ  ଧରି ସକାଳ ପ୍ରାୟ ୧୦ଟା ୩୦ରେ ପହଞ୍ଚିଗଲେ। 

ଗୋଟିଏ ଦୁହାଁଳିଆ ଛେଳି ପ୍ରାୟ ୭,୦୦୦ ରୁ ୮,୦୦୦ ଟଙ୍କାରେ ଏଠି ବିକ୍ରି ହୁଏ। କିନ୍ତୁ ୮୦ ବର୍ଷୀୟ ଯାଦବ ନିଜ ଛେଳିର ଦାମ ୩,୦୦୦ ଟଙ୍କା ପର୍ଯ୍ୟନ୍ତ ଖସେଇ ଦେବାକୁ ଚାହୁଁଛନ୍ତି। ତଥାପି ଛେଳିଟି ବିକ୍ରି ହୋଇପାରୁନି। ଏଠାରୁ ୧୬ କିଲୋମିଟର ଦୂର ଭାଲାଇ ଗାଁରୁ ସେ ଆସିଛନ୍ତି। ଗାଁକୁ ଫେରିଯିବା ପାଇଁ ଜିପ୍ ଧରିବାକୁ ତରତର ହେଉଥିଲେ। ହତାଶ ଭାବରେ କହିଲେ, ‘‘ମୂଲଚାଲ କଥା ଛାଡ, କେହି ପାଖକୁ ଆସିଲେନି କି ଦାମ୍ ବି ପଚାରିଲେନି।’’

Old man with goats.
PHOTO • Binaifer Bharucha
Trucks, Goats all around
PHOTO • Binaifer Bharucha

ବାମ: ଉଦାସ ବିଠବ ଯାଦବ କହିଲେ, ‘ମୁଁ ଗୋଟିଏ ବି ପ୍ରସ୍ତାବ ପାଇଲିନି’। ମଝି: ଛେଳି ମେଣ୍ଢା ବୋହିବା ପାଇଁ ବିକାଳି ଏବଂ ବେପାରୀ ବ୍ୟବହାର କରୁଥିବା ଜିପ୍ ଓ ଟେମ୍ପୋ। ଉପରେ କଭର ଫଟୋ: ଅନ୍ୟ ବିକାଳିମାନେ ମହସ୍ୱାଦ ବଜାରରେ ଅପେକ୍ଷା କରି ରହିଛନ୍ତି 

୨୦୧୭ ରୁ ଏଠି ମରୁଡି ମାରିଛି। ମଙ୍ଗ ଦଳିତ ସଂପ୍ରଦାୟର ଯାଦବଙ୍କ କଳି ଲୋକଙ୍କ ପାଇଁ ଛେଳି ମେଣ୍ଢା ପାଳିବା ବି ଅସମ୍ଭବ ହୋଇ ପଡ଼ିଛି। ଅଣ୍ଡିରା ଛେଳିଗୁଡ଼ିକ ମାଂସ ପାଇଁ ବିକ୍ରି ହୋଇପାରେ, କିନ୍ତୁ ମାଇ ଛେଳି ଗୁଡ଼ିକ ସାଧାରଣତଃ ପାଳିବା ପାଇଁ କିଣାଯାଏ। ଏବେ କେହି କିଣିବାକୁ ଚାହୁଁନାହାନ୍ତି କାରଣ ଖାଦ୍ୟ ଆଉ ପାଣିର ଉତ୍କଟ ଅଭାବ। 

ବିଠବ ଯାଦବଙ୍କ ଭଳି ଭୂମିହୀନ ଲୋକଙ୍କ ପାଇଁ ଏକମାତ୍ର ଆୟର ପନ୍ଥା ହେଉଛି ଛେଳି। ସଂକଟ ସମୟରେ ଯାହା ‘ବୀମା’ ଭଳି କାମ ଦିଏ। କିନ୍ତୁ ଇଏ ବି ଟଙ୍କା ଦେବା ବନ୍ଦ କରି ଦେଇଛି।

ଅନୁବାଦ: ଓଡ଼ିଶାଲାଇଭ୍

ଓଡ଼ିଶାଲାଇଭ୍: ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

Medha Kale

ମେଧା କାଲେ ପୁନେରେ ରହନ୍ତି ଏବଂ ମହିଳା ଓ ସ୍ଵାସ୍ଥ୍ୟ କ୍ଷେତ୍ରରେ କାମ କରିଛନ୍ତି । ସେ ମଧ୍ୟ PARIର ଜଣେ ଅନୁବାଦକ ।

Other stories by Medha Kale