"আমি জীয়াই থাকিবলৈ বহুৰূপীৰ ওপৰতে নিৰ্ভৰ কৰিবলগীয়া হৈছে। খেতি-বাতি কৰি খাবলৈ আমাৰ হাতত মাটি নাই," ৰাজু চৌধুৰীয়ে কয়। বহুৰূপী শিল্পীসকল হৈছে কলা প্ৰদৰ্শনকাৰী। বিভিন্ন ধৰ্মীয় আৰু কিংবদন্তি চৰিত্ৰ তেওঁলোকে মঞ্চত ৰূপায়ন কৰে।

এই চলচ্চিত্ৰখনত চৌধুৰীৰ পৰিয়ালক চিত্ৰায়িত কৰা হৈছে। চৌধুৰীৰ পিতৃ-মাতৃ আৰু সকলো বহুৰূপীৰ সন্তানসকল যিয়ে বিৰভূম জিলাৰ বিষয়পুৰ গাঁৱৰ পৰা গাঁৱে গাঁৱে, চহৰে-নগৰে ঘুৰি ফুৰে আৰু কেবাদিনজোৰা কাৰ্যসূচীৰে বিভিন্ন কলা প্ৰদৰ্শন কৰে।

এসময়ৰ জনপ্ৰিয় লোকশিল্পৰূপে সমাদৃত এই শিল্প এতিয়া পশ্চিমবংগৰ গ্ৰামাঞ্চলৰপৰা নোহোৱা হ'বলৈ ধৰিছে। ইটোৰ পিছত সিটো পুৰুষে কৰি অহা এই শিল্পৰে শিল্পীসকলে ভালেই উপাৰ্জন কৰিবলৈ সক্ষম হৈছিল। কিন্তু সম্প্ৰতি দৰ্শকে অইন ধৰণৰ মনোৰঞ্জনহে ভাল পোৱা হ'ল, সেয়ে বহুৰূপী পৰিয়ালৰ বৰ্তমানৰ প্ৰজন্মই অইন পেছা বাছি ল'বলৈ বাধ্য হ'ল। চৌধুৰীৰ দৰে বহুতো পৰিয়ালৰ জীৱিকাৰ বাবে আন উপায় নাই।

PHOTO • Ankan Roy & Sagarika Basu

দেউতাক ৰাজুৰ সহায় লৈ চিদাম চৌধুৰীয়ে এগৰাকী বহুৰূপী শিল্পীৰ মেক-আপ কৰাইছে  

PHOTO • Ankan Roy & Sagarika Basu

মালা চৌধুৰী হৈছে পৰিয়ালটোৰ তাৰকা শিল্পী, যিয়ে এই শিল্পৰ জৰিয়তে পেট পুহিছে

ইয়াতে দৰ্শোৱা চলচ্চিত্ৰখনৰ আন এটা সংস্কৰণ অংকন ৰয় (কেমেৰা) আৰু সাগৰিকা বসু (সম্পাদনা) য়ে ২০১৫ চনৰ বিশ্ব-ভাৰতী বিশ্ববিদ্যালয়, শান্তিনিকেতনৰ তথ্যচিত্ৰৰ ২০১৫ চনৰ প্ৰকল্পৰ অংশ হিচাপে কৰিছিল।

পংকজ দাস এগৰাকী সাংবাদিক, অনুবাদক আৰু অসমীয়া নিউজ পৰ্টেল newsnextone.com ৰ সহ-প্ৰতিস্থাপক। যোগাযোগৰ ইমেইল আইডি [email protected]

Ankan Roy & Sagarika Basu

অংকন ৰয় বিশ্ব-ভাৰতী বিশ্ববিদ্যালয়, শান্তিনিকেতনৰ পৰা সাংবাদিকতা আৰু গণসংযোগৰ স্নাতকোত্তৰ ডিগ্ৰীধাৰী। সাগৰিকা বসু ২০১৬ চনৰ পাৰি প্ৰশিক্ষু আৰু বিশ্ব-ভাৰতী বিশ্ববিদ্যালয়, শান্তিনিকেতনৰ প্ৰাক্তন ছাত্ৰী। তেঁও সম্প্ৰতি কলকাতাৰ নিউজ চেনেল '২৪ ঘণ্টা'ৰ সম্পাদকীয় প্ৰশিক্ষু।

Other stories by Ankan Roy & Sagarika Basu