ପଟ୍ଟନମଥିଟ୍ଟା ଜିଲ୍ଲାର ରାଣୀ ଅଙ୍ଗଡ଼ି ଗ୍ରାମର କେ.ଆର୍. ଶାରଦାଙ୍କ ଘର ଏକ ଉଚ୍ଚ ଜାଗାରେ , ସାମ୍ନାରେ ଧାନ ଓ ସାରୁ କ୍ଷେତ ଏବଂ  କଦଳୀ ବଗିଚା । ଏସବୁ ଜମିରେ କୁଦୁମ୍ବଶ୍ରୀ ସଂଘ କୃଷି (ଗୋଷ୍ଠୀ ବା ସମୁହ କୃଷି) କାର୍ଯ୍ୟ କରୁଛି । ୨୦୧୮ ଅଗଷ୍ଟ ମାସରେ କେରଳରେ ହୋଇଥିବା ବନ୍ୟା କେବଳ ସେସବୁ ଜମିକୁ ବୁଡ଼ାଇ ଦେଇନଥିଲା, ଏହା ବନ୍ଧ ଉପରେ ଥିବା ତାଙ୍କ ଘରେ ମଧ୍ୟ ପଶିଯାଇଥିଲା ଏବଂ ଏହା ସମୁଦାୟ ତଳ ମହଲାକୁ ବୁଡ଼ାଇ ଦେଇଥିଲା। ଶାରଦା କୁହନ୍ତି, “ମୋତେ ୧୧ଦିନ ପର୍ଯ୍ୟନ୍ତ ଘର ଛାଡ଼ିବାକୁ ପଡ଼ିଲା ।” ସେ ସେହି ଦିନଗୁଡ଼ିକରେ ଏକ ଉଚ୍ଚ ସ୍ଥାନରେ ଥିବା ଆଶ୍ରୟସ୍ଥଳରେ କଟାଇଥିଲେ । ସେ ଜଣେ ଚାଷୀ ନୁହନ୍ତି, ଜଣେ ଗୃହିଣୀ ମଧ୍ୟ ।

ସେ ଫେରିବାର ଅନେକ ଦିନ ପରେ ମଧ୍ୟ ଏବେ ବି ନିଜ ଘରର ଜିନିଷପତ୍ରକୁ ବାରଣ୍ଡା ଏବଂ ପାହାଚରେ ଶୁଖାଉଛନ୍ତି । ଏ ମଧ୍ୟରୁ ତାଙ୍କ ପାଇଁ  ସବୁଠାରୁ ପ୍ରିୟ ପରିବାରର ଫଟୋଗୁଡ଼ିକ । ଭାଗ୍ୟବଶତଃ ଏଗୁଡ଼ିକ ମଧ୍ୟରୁ ଅଧିକାଂଶ ଧୋଇ ହେବା ଯୋଗ୍ୟ ଏବଂ ଜଳନିରୋଧୀ । ଏଗୁଡ଼ିକ ଲାମିନେସନ କରାଯାଇଥିବା ଫଟୋ ପରି । ସେ ସେଗୁଡ଼ିକୁ କଡ଼ରେ ଥିବା କେତେକ ପାହାଚ ଉପରେ ଶୁଖାଇଥିଲେ । ଏ ମଧ୍ୟରେ କେତେଗୁଡ଼ିଏ ତାଙ୍କ ପୁଅ  କେ.ଆର୍ ରାଜେଶଙ୍କର ଫଟୋ । ଯେ କି ମିଲିଟାରୀରେ କାମ କରନ୍ତି ଏବଂ ଡ୍ୟୁଟିରେ ଦୂରରେ ଅଛନ୍ତି । ସେ କେଉଁଠାରେ ଅଛନ୍ତି ସେହି ସ୍ଥାନ ସମ୍ପର୍କରେ ଶାରଦାଙ୍କର ସ୍ପଷ୍ଟ ଧାରଣା ନାହିଁ । ତେବେ ତାଙ୍କ ବିଶ୍ୱାସ ସେ ଉତ୍ତରରେ “କୌଣସି ସ୍ଥାନ”ରେ ଅଛନ୍ତି ।

ଅନୁବାଦ: ଓଡ଼ିଶାଲାଇଭ୍‍

ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

ଲେଖକ ପରିଚୟ: ପି ସାଇନାଥ ହେଉଛନ୍ତି ପିପୁଲ୍ ଆର୍କାଇଭ୍ ଅଫ୍ ରୁରାଲ ଇଣ୍ଡିଆର ପ୍ରତିଷ୍ଠାତା ସମ୍ପାଦକ। ସେ ଦୀର୍ଘ ଦଶନ୍ଧି ଧରି ଗ୍ରାମାଞ୍ଚଳର ବିଭିନ୍ନ ରିପୋର୍ଟ ପ୍ରସ୍ତୁତ କରିଆସୁଛନ୍ତି ଏବଂ ସେ ହେଉଛନ୍ତି ‘ଏଭ୍ରି ୱାନ ଲଭ୍ସ ଏ ଗୁଡ଼୍ ଡ୍ରଟ୍’ର ଲେଖକ।

Other stories by P. Sainath